इंग्लिस फुटबल लिग कपको उपाधि लिभरपुलले हात पारेको छ । आइतबार भएको खेलमा चेल्सीविरुद्ध अतिरिक्त समयमा गोल गर्दै लिभरपुलले उपाधि उचाल्न सफल भएको हो । 

लिभरपुलका लागि कप्तान तथा डिफेन्डर भर्जिल भ्यान डाइकले निर्णायक गोल गरे । अतिरिक्त समय सकिएर खेल पेनाल्टी सुटआउटमा धकेलिन दुई मिनेट बाँकी रहँदा उनले गोल गरेका थिए ।

कोन्सटान्टिनोस सिमिकासले खेलेको कर्नर किकमा हेडरमार्फत् गोल गर्दै उनले जीत दिलाएका थिए ।

लिभरपुलको यो कीर्तिमानी १०औं लिग कप उपाधि हो ।