त्रिदेशीय टी–२० क्रिकेट शृंखलाको दोस्रो खेलमा नेदरल्यान्ड्सविरुद्ध नेपाललाई छैटौँ झड्का लागेको छ ।

सोमपाल कामी शून्य रनमा आउट भएका हुन् ।

यसअघि सन्दीप जोरा ६ बलमा ८ रन बनाएर आउट भएका थिए ।

१५.३ ओभरमा १२६ रन बनाउँदा नेपालले छैटौँ विकेट गुमाएको हो ।

कीर्तिपुरस्थित त्रिवि क्रिकेट मैदानमा बुधबार बिहान टस हारेर ब्याटिङको निम्तो पाएको नेदरल्यान्ड्सले निर्धारित २० ओभरमा ४ विकेट गुमाएर १८४ रन बनाएको छ । नेपालले १८५ रनको लक्ष्य पछ्याइरहेको छ ।

यसअघि नेदरल्यान्ड्सका लागि माइकल लेभिटले ५४ रन बनाए । यस्तै,  सीब्राण्ड इङगेल्ब्रेच्टले ४९ र स्कट इडवार्डले ३३ रन बनाए । 

नेपालका लागि करण केसी र कुशल मल्लले १–१ विकेट लिए । २ जना भने रनआउट भएका थिए । 

मंगलवार भएको पहिलो खेलमा नेपाल नामिबियासँग २० रनले पराजित भएको थियो ।