नेपालले हङकङमा त्रिदेशीय टी–२० क्रिकेट श्रृंखला खेल्ने भएको छ । उक्त श्रृंखला आउँदो साता हुने नेपाल क्रिकेट संघ (क्यान)ले जनाएको छ ।

ती खेलहरू फागुन २६ देखि ३० गतेसम्म हङकङमा हुनेछन् । श्रृंखलामा नेपालसहित आयोजक हङकङ र पपुवा न्यू गिनी (पीएनजी) सहभागी हुनेछन् । 

नेपालले फागुन २६ मा हङकङसँग मैत्रीपूर्ण खेल खेल्नेछ । त्यसपछि श्रृंखलाका खेलहरू हुनेछन् । जसअन्तर्गत नेपालले पहिलो खेल हङकङसँग फागुन २७ र दोस्रो खेल पीएनजीसँग फागुन २९ गते खेल्नेछ । 

फाइनल खेल फागुन ३० गते हुने क्यानले जनाएको छ ।

नेपाली टोली यतिबेला घरेलु मैदानमा नामिबिया र नेदरल्यान्ड्ससँग त्रिदेशीय श्रृंखला खेलिरहेको छ । शनिवार मात्रै नेदरल्यान्ड्सलाई हराएर फाइनलमा पुगेको छ ।