अदिस अबाबा–अफ्रिकी सङ्घ (एयू) आयोगका अध्यक्ष मोसा फकी महामतले गाजामा मानवीय सहायताको पर्खाइमा बसेका प्यालेस्टिनीहरूको सामूहिक हत्याको कडा निन्दा गरेका छन् ।

अध्यक्षले बिहीवार कब्जा गरेको उत्तरी गाजामा जीवन बचाउने मानवीय सहायता खोज्ने १०० जनाभन्दा बढी निहत्था प्यालेस्टाइनीहरूलाई आक्रमण गर्ने इजरायली सेनाको कदमको कडा शब्दमा निन्दा गरेका छन् । उनले घटनाको अन्तरराष्ट्रिय रूपमा छानबिन गरी दोषीलाई कारबाही गर्न माग गर्नु भएको छ ।

इजरायली सेनाको आक्रमणबाट बिहीवार गाजा शहरको पश्चिमी तटीय सडकमा सहायताको लागि पर्खिरहेका प्यालेस्टिनीहरूको भीडमा गोली चलाउँदा १ सय १५ जनाको मृत्यु भएको र ७ सय भन्दा बढी घाइते भएका छन्।

यता इजरायली सेनाका प्रवक्ताले गाजा पट्टीमा बिहानै प्रवेश गरेका सहायता ट्रकहरूमा गाजावासीहरूले आक्रमण र लुटपाट गरेपछि सेनाले आत्मरक्षामा गोली चलाएको बताएका छन् ।

प्यान–अफ्रिकी ब्लकका अध्यक्षले प्यालेस्टिनी जनताको जीवन र अस्तित्व विरुद्ध इजरायल सरकारले अगाडि बढाइरहेको आक्रमणलाई रोक्न ओगटेड प्यालेस्टाइनमा तत्काल विना शर्त युद्धविरामू का लागि एयुकातर्फबाट पुनः आह्वान गरेका छन् ।

उनले प्यालेस्टिनी जनताको अधिकार सुनिश्चित गर्न र शान्ति स्थापना गर्न आफ्नो जिम्मेवारी वहन गर्न अन्तरराष्ट्रिय समुदायलाई आग्रह पनि गरेका छन् ।