झापा, मोरङ र सुनसरीको छुट्टाछुट्टै स्थानबाट लागुऔषधसहित ५ जना पक्राउ परेका छन् ।

पक्राउ पर्नेहरूमा बराहक्षेत्र नगरपालिका- ६ सुनसरीका ३० वर्षीय विजयकुमार राउत, बराहक्षेत्र- ४ का २१ वर्षीय गोविन्द खत्री, ७४ वर्षीय भरोसी यादव, ३९ वर्षीय गोपाल यादव र कचनकवल- ७ का २७ वर्षीय अरविन भट्टराई छन् ।

प्रदेश प्रहरी कार्यालय विराटनगरले दिएको जानकारी अनुसार विजयकुमार राउत १६ ग्राम ८८ मिलिग्राम ब्राउनसुगरसहित पक्राउ परेका हुन् ।

उनलाई मोरङको विराटनगर महानगरपालिका १५ स्थित लागुऔषध नियन्त्रण ब्यूरो विराटनगरबाट खटिएको प्रहरी टोलीले भारतबाट नेपालतर्फ आउँदै शुक्रवार दिउँसो पक्राउ गरेको हो ।

त्यसैगरी सुनसरीको बराहक्षेत्र नगरपालिका- ५ स्थितबाट नियन्त्रित औषधी ट्रमानिल र स्पास्मो गरी जम्मा ७०८ ट्याबलेटसहित गोविन्द खत्रीलाई प्रहरी चौकी भरौलबाट खटिएको प्रहरीले पक्राउ गरेको हो ।

यस्तै, इलाका प्रहरी कार्यालय अनारमनीबाट झापाको अर्जुनधारा नगरपालिका- ६ स्थित खटिएको प्रहरीले भरोसी यादव, गोपाल यादव र अरविन भट्टराईलाई ४ केजी ६५० ग्राम गाँजासहित पक्राउ गरेको हो ।​​

थप अनुसन्धान भइरहेको प्रहरीले जनाएको छ ।