भरुवा बन्दुकसहित रौतहटबाट २ जना पक्राउ परेका छन् ।

पक्राउ पर्नेमा चन्द्रपुर नगरपालिका १ पौराईका ३४ वर्षीय शेरबसिंह गोले र उनकै ज्वाइँ नाता पर्ने ३५ वर्षीय धर्मजित स्याङ्तान छन् ।

उनीहरूलाई मंगलवार बिहान पक्राउ गरिएको प्रहरीले जनाएको छ ।

विशेष सूचनाको आधारमा इलाका प्रहरी कार्यालय चपुर र प्रहरी चौकी पौराईबाट खटिएको प्रहरीले गोलेको घरमा तलासी गर्दा भकारीभित्र लुकाई राखेको अवस्थामा बन्दुक बरामद गरेको थियो । 

थप अनुसन्धान भइरहेको प्रहरीले जनाएको छ ।