नेपाली कांग्रेसका नेता प्रकाशमान सिंहले सहकारी ठगी प्रकरणमा छानबिन समिति बनाउन नमानेर सरकारले संसदीय व्यवस्थामाथि नै प्रहार गरेको आरोप लगाएका छन् ।

नयाँ बानेश्वरमा आज आयोजित चियापान कार्यक्रम बोल्दै उनले सरकारका मन्त्रीबारे कुरा उठिसकेपछि छानबिन गर्नु संसदीय अभ्यास भएको बताए । 

संसदीय छानबिन समिति नबनाएसम्म कांग्रेस आफ्नो अडानबाट पछि नहट्ने उनले बताए ।

सरकारले संसद्‌समेत सुचारु गर्न नचाहेको उनको आरोप छ ।

यस्तोबेला गरिने लगानी सम्मेलनले समेत कुनै नतिजा नदिने उनले बताए । 

कांग्रेसले सहकारी ठगी प्रकरणमा मुछिएका उपप्रधान तथा गृहमन्त्री रवि लामिछानेमाथि छानबिन गर्न संसदीय समिति गठनको माग गर्दै आएको छ ।