अछामको मेल्लेखमा आगलागी हुँदा २ बालबालिकाको मृत्यु भएको छ ।

मेल्लेख गाउँपालिका वडा नम्बर ६ को षोडशमा छानामा आगलागी हुँदा उनीहरूको मृत्यु भएको प्रहरीले जनाएको छ ।

स्थानीय दीपक बोहराको छोरी अन्दाजी आठ वर्षीया भावना बोहरा र रमेश बोहराको छोरा अन्दाजी ६ वर्षीय गोपाल बोहराको आगलागीमा परी मृत्यु भएको जिल्ला प्रहरी कार्यालय अछामका प्रमुख प्रहरी नायब उपरीक्षक सन्तोष पाठकले जानकारी दिए।

उनका अनुसार सोमवार बिहान खरले छाएको कच्ची घरको छानामा अचानक आगो लागेको थियो ।

घटनाबारे थप अनुसन्धान भइरहेको प्रहरीले जनाएको छ ।