भारतका विभिन्न राज्यमा लोकसभा चुनावअन्तर्गत आज पहिलो चरणको मतदान हुँदैछ । २१ राज्य र केन्द्र शासित प्रदेशका १०२ सिटमा आज मतदान हुन लागेको हो । 

पहिलो चरणमा नरेन्द्र मोदीको मन्त्रिपरिषद्का आठ सदस्य, तीन पूर्वमुख्यमन्त्री र एक पूर्व राज्यपालको चुनावी भाग्य तय हुने बीबीसी हिन्दीले जनाएको छ । 

पहिलो चरणमा अरुणाचल प्रदेश, असम, बिहार, छत्तीसगढ, मध्य प्रदेश, महाराष्ट्र, मणिपुर, मेघालय, मिजोरम, नागाल्याण्ड, राजस्थान, सिक्किम, तमिलनाडु, त्रिपुरा, उत्तर प्रदेश, उत्तराखण्ड, पश्चिम बंगाल, अण्डमान निकोबार, जम्मू कश्मीर , लक्षद्वीप, पुडुचेरीमा मतदान हुँदैछ । पहिलो चरणमा यी राज्यहरूमा १०२ सीटका लागि मतदान हुनेछ ।