आज कोशी, गण्डकी र कर्णाली प्रदेशलगायत देशका पहाडी भू-भागको मौसम आंशिक बदली रहने छ । बाँकी भू-भागको मौसम मुख्यतया सफा रहने पूर्वानुमान छ । 

आज पनि देशका केही ठाउँमा वर्षाको सम्भावना छ । हिजो (आइतबार)को तुलनामा आज धेरै ठाउँमा पानी पर्ने मौसम पूर्वानुमान महाशाखाले जनाएको छ । हिजो देशका केही ठाउँमा वर्षा भएको थियो । 

अनुसार आज दिउँसो कोशी र गण्डकी प्रदेशका थोरै स्थान र बाँकी पहाडी भू-भागका एक-दुई स्थानमा मेघगर्जन/चट्याङ्गसहित हल्कादेखि मध्यम वर्षाको सम्भावना छ । 

कोशी, बागमती, गण्डकी र कर्णाली प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना छ।

आज राति कोशी, बागमती र गण्डकी प्रदेशका पहाडी भू-भागका थोरै स्थानहरूमा मेघगर्जन/चट्याङ्गसहित हल्कादेखि मध्यम वर्षाको सम्भवना छ । 

गण्डकी र कर्णाली प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको  छ।

हाल नेपालमा पश्चिमी वायु र स्थानीय वायुको आंशिक प्रभाव रहेको छ ।