स्वीट्जरल्यान्डको सहज जीत

यूईएफए युरोकप २०२४ मा स्वीट्जरल्यान्डले विजयी शुरूआत गरेको छ । जर्मनीको रेन एनर्जी स्टेडियनमा गएराति सम्पन्न खेलमा स्वीट्जरल्यान्डले हंगेरीलाई ३–१ गोलले हराएको हो । 

स्वीट्जरल्यान्डको जितमा क्वाड्वो दुआ, मिशेल एबिशर र ब्रेल एम्बोलोले समान एक-एक गोल गरे। हंगेरीका लागि बर्नाबास वर्गाले गरेको एक मात्र गोल सान्त्वना बन्यो । 

पहिलो हाफमा दुई शून्य गोलको अग्रता बनाएको स्वीट्जरल्यान्डले दोस्रो हाफमा एक गोल गर्दा एक गोल ब्यहोरेको थियो।

यसअघि आयोजक जर्मनीले स्कटल्यान्डलाई ५–१ गोल अन्तरले पराजित गर्दै विजयी शुरूआत गरिसकेको छ ।