काठमाडौं, १७ कात्तिक - प्रहरीको महानगरीय अपराध अनुसन्धान महाशाखाले ८८ किलो सुन तस्करीमा संलग्न रहेका ११ जना विरुद्ध संगठित अपराधको मुद्दा चलाएको छ । प्रहरीले ११ जना विरुद्ध काठमाडौं जिल्ला अदालतमा मुद्दा दायर गरेको हो ।

दुई महिना लामो अनुसन्धान पछि प्रहरीले उनीहरु विरुद्ध मुद्दा दायर गरेको छ । प्रहरीले ८८ किलो सुन बोकर ल्याउने गाडिका चालकलाई चाहिँ निर्दोष ठानेर उनी विरुद्ध मुद्दा दायर गरेन ।

अभियुक्तहरु विरुद्ध ४३ करोड ५६ हजार रुपैयाँ बिगो दाबी गर्दै मुद्दा दायर गरेको हो ।

गत भदौ १९ गते केरुङ नाका हुँदै काठमाडौं आइपुगेको ८८ किलो सुन प्रहरीले ठमेलबाट नियन्त्रयामा लिएको थियो ।

प्रहरीले अभियुक्तहरु विरुद्ध पाँच वर्ष कैदको सजायँ र विगो सहित जरिवानाको माग गर्दै अदालतमा मुद्दा चलाएको छ ।

प्रहरीले गणेशदत्त बडु, सत्यनारायाण अग्रवाल, शुभरत्न शाक्य, नन्दकुमार पाण्डुरंग मगर्ले, मानबहादुर तामाङ उल्लाहास दिनकर लालुङ्गे, र ल्याक्पा ग्याल्जोङविरुद्ध मुद्दा दायर गरेको हो ।

प्रहरीले फरार ४ जना चिनियाँ नागरिक विरुद्ध पनि मुद्दा चलाएको छ । चिनियाँ नागरीक याङ वे मिङ, पान वे मिङ, झाङ होङ लियाङ र हिसे साङ्बो लामाविरुद्ध पनि मुद्दा दायर गरिएको हो ।

---

---