माघ १, २०८०
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
पुस २७, २०७४
पृथ्वी जयन्ति र राष्ट्रिय एकता दिवसको रूपमा नेपालीजनले मान्दै आएको दिन पौष २७ गते २०६३ सालदेखि २०७३ सालसम्मको अवधिमा ओझेलमा परेको थियो । राष्ट्रनिर्माता पृथ्वीनारायण शाहाको सम्झना गर्ने र श्रध्दाञ्जलि अर्पण गर्ने परम्परा जनस्तरमा कायम रहे तापनि सरकारी स्तरबाट भने त्यो मान्यता नै खोसे सरह गरियो : पौष २७ गतेको सार्वजनिक विदा कटौती गरियो ।
‘क्रान्तिकारी’ शक्तिहरूको उक्साहटमा त्यतिखेरको सरकारका प्रमुख र गृहमन्त्री समेतले नेपाली जनतालाई एकता नै नचाहिएको अर्थ लाग्ने हिसाबले गलत निर्णय गरेका हुन् । संयोग हो, नेपाली काँग्रेसका तत्कालीन सभापतिले सरकारप्रमुख हुँदा गरेको गल्ती अहिले दशवर्षपछि त्यसै पार्टीका उस्तै जिम्मेवारी बोक्ने व्यक्तिले सच्याएका छन् । यस सीमित सन्दर्भमा शेरबहादुर देउवाले उचित श्रेय पाउँछन् ।
पृथ्वीनारायण राजा थिए, तर अहिले राजतन्त्र पाखा लागिसकेको छ त्यसैले उनको सम्झना र सम्मान गर्नु समयसापेक्ष हुँदैन भन्ने तर्क गर्नेहरू बेला-बखत भेटिन्छन् । परन्तु यो युक्तियुक्त तर्क होइन किनभने अभिलेख र इतिहासका क्रम कुनै व्यक्ति वा समूहलाई नमीठो लाग्दैमा मेट्न सकिंदैन। जस्तो, १०४ वर्षे राणा शासनसित गाँसिएका शोषणका कथा-व्यथा निन्दनीय छन्/हुन् भन्दैमा त्यस कालखण्डलाई नेपालको इतिहासबाट झिकेर फाल्न मिल्दैन ।
यो शाश्वत कुरो हो; संसारका सबै देशका इतिहासमा उकाली-ओराली आएका हुन्छन् । तसर्थ नेपालका निर्माता उस बखतका राजा पनि थिए भने यसलाई अन्यथा लिनुपर्ने वा यस युगमा आएर हामीलाई हीनताबोध हुनुपर्ने कारण देखिँदैन । अतएव आजको दिनलाई ‘साझा फूलवारी’ का मालीको ससम्मान स्मरण गर्ने अवसरको रूपमा स्वीकार गर्नु बुध्दिमानी हुनेछ । विविधतामा एकता झल्काउने पृथ्वीनारायणको दूरदृष्टि आखिर आएर अहिलेको राष्ट्रियगानका रचयिता व्याकुल माइलाले ‘सयौं थुङ्गा फूलका हामी एउटै माला नेपाली’ ले सार्थक बनाएको तथ्य जगजाहेर छ । यतिखेरको हाम्रो सजगता यो माला नचुँडियोस् भन्नेमा केन्द्रित हुनुपर्छ । देशलाई प्रदेशमा लगिएको बेला छ, कतै ‘परदेश’ हुन नपुगोस् भनेर आज बिहिवार बिहान रेडियो नेपाललाई अन्तर्वार्ता दिँदा संस्कृतिविद् डा. जगमान गुरुङले त्यसै वास्तविकतालाई औंल्याउनु भएको हो ।
आजको र अन्य यस्तै सार्वजनिक विदाको उपयोग कसरी गर्ने त ? सरकारी कर्मचारी र तिनको सिको गरी हिंड्नेहरूले घाम तापेर वा तास खेलेर समय कटाउने बाटो रोज्लान् तर समयको सदुपयोग गर्छु भन्नेका लागि अनेक उपाय छन् । एउटा उपाय त जे-जस्तो सन्दर्भ मिलाएर विदा दिइएको हो त्यसकै बारेमा विचार-मन्थन, सारगर्भित बहस र चर्चामा त्यस दिनको उपयोग गर्नु जाती हुन्छ । जस्तो, डा. जगमान गुरुङले उल्लेख गरे झैं ‘दिव्य उपदेश’मा नेपालको सुरक्षा नीति, आर्थिक पध्दति, घरेलु नीति र परराष्ट्र नीतिहरूलाई दिशानिर्देश हुने गहन बुँदा परेका छन्; तिनका एक-एक बुँदालाई केलाएर आधुनिक परिवेशमा संयोजन गर्न मिल्ने खाका/ढाँचा तयार गर्न परिमार्जनका लागि परामर्शका सिलसिला चलाउन सकिन्छ ।
नेपालको सेनाले यसको संगठनको श्रेय पृथ्वीनारायण शाहालाई दिने गरेको हुनाले परिवर्तित परिस्थितिमा नेपाली सेनाको रणनीति के कस्तो हुनुपर्छ त्यसबारे समयसापेक्ष र अनुशासित बहसको पहल गर्न सक्दछ ।
‘दुई ढुङ्गा बीचको तरूल’ भनिएको मुलुक हरघडी सचेत र सजग रहनुपर्ने अवस्थामा छ ।
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...
नेपालको सडकलाई ‘सुरुङ युग’मा प्रवेश गराउने महत्त्वाकांक्षी आयोजनाका रूपमा हेरिएको नागढुंगा सुरुङमार्ग सोमबार छिचोलियो । सुरुङको ‘ब्रेक थ्रु’ गर्न प्रधानमन्त्री, मन्त्रीसहितका सरकारी अधिक...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...