हेटौंडा, जेठ २१– प्रधानमन्त्री केपी शर्मा ओलीले निर्माणको क्षेत्रमा रहेको सिण्डिकेट र कार्टेलिङपनि तोडिने बताउनु भएको छ ।

प्रदेश नम्बर ३ को प्रदेशसभा बैठकलाई सोमवार हेटौंडामा सम्वोधनगर्दै प्रधानमन्त्री ओलीले सिण्डिकेट तोडने मामिलामा सरकारले कसैसँग सम्झौता नगर्ने बताउनुभएको हो ।  

‘सिण्डिकेट कस्तो कस्तो परेछ अनुहार पछि हेरौला, कमिसन खोरी चल्दैन, भ्रष्टाचार नियन्त्रण हुन्छ, औलो उन्मुलन भए झै’ उहाँले भन्नुभयो । 

प्रधानमन्त्री ओलीले प्रदेश सरकारलाई आत्मसिवश्वासका साथ अगाडि बढे परिवर्तन ल्याउन सकिने बताउनुभयो । ‘मेरो एउटा एट्याक थ्यौरी छ, गरिबी, निरक्षर, पछौटेपन र भ्रष्टाचारविरुद्ध अट्याक गर्ने थ्यौरी’ उहाँले भन्नुभयो ।

‘ठेकेदारको कार्टेलिङ चल्दैन, त्यस्तो नभएको पाइएमा प्रदेश सरकारले केन्द्रीय सरकारलाई देखाइदिनु भए हुन्छ । त्यसलाई हामी कार्वाही गर्छौं।’