काठमाडौं, २३ असार– बेल्जियमसँगको पराजय २०१४ को ७–१ गोलको हारभन्दा पीडादायक भएको ब्राजिलका खेलाडीले बताएका छन् । 

शुक्रबार मध्यरातमा बेल्जियमले पाँच पटकको विश्वकप विजेता ब्राजिलको विश्वकप यात्रालाई चार वर्षका लागि पूर्णविराम लगाइदिएको थियो । 

ब्राजिलका खेलाडि पाउलिन्होले रुस विश्वकपको पराजय स्विकारर्न २०१४ को अपमानजनक पराजय भन्दा पीडादयक भएको बताएका हुन् । 

सन् २०१४ को विश्वकपमा विश्वकप आयोजक राष्ट्र ब्राजिललाई जर्मनीले ७–१ गोल अन्तरले पराजित गरेको थियो । 

एक टेलिभिजन अन्तर्वातामा पाउलिन्होले राम्रो खेल खेल्दा खेल्दै पाराजय बेहोर्नु परेको कारण यसलाई सहज रुपमा लिन गाह्रो परेको बताएका हुन् ।