कात्तिक ३०, २०८०
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
सबै पुराना मान्यता बेठिक हुँदैनन्, न सबै नयाँ कुरा नै ठीक वा राम्रा हुन्छन् । ती दुवै कुरा जनता र राष्ट्रको, राष्ट्रिय र अन्तर्राष्ट्रिय मानव समुुदायको सापेक्षतामा कत्तिको उपयोगी र सहयोगी छन् ? त्यही वस्तुगत आधारमा तिनको निरुपण गर्नुपर्ने हन्छ, ठीक बेठीक छुट्याउनुपर्ने हुन्छ । चाहे त्यो कुरा दर्शन, विचार, सिद्धान्त र नीतिको सन्दर्भमा होस, चाहे राजनीति, अर्थतन्त्र, सामाजिक संरचना र संस्कृतिका विषयका कुरामा होस् ।
वैज्ञानिक, वस्तुगत तर्कका आधारमा तिनका बारेमा सही निष्कर्ष निकाल्न सकिन्छ र निकालिनुपर्छ । यो तरिकाले हामीलाई सही कुरालाई पक्रिन र गलत कुरालाई तिलाञ्जली दिन मद्दत गर्दछ । समाजलाई पहिलेभन्दा उन्नत, सभ्य र सुसंस्कृत दिशामा अघि बढाउन सही मार्गदर्शन गर्दछ । यसमा मुख्यतः उत्पादन, वितरण र उपभोगकै आधारभूत कुरा आउँछ । यसै कुरासँग अन्य तमाम कुरा जोडिएका वा अन्तर्सम्बन्धित भएका हुन्छन् ।
यस सन्दर्भमा पुराना राजनीतिक ज्ञाता चाणक्यको एउटा मान्यताको कुरा मात्रै गर्ने हो भने पनि धेरै कुरा सुस्पष्टरुपमा उजागर हुन सक्छ । चाणक्यले आफ्नो जमानामा शासन व्यवस्थालाई सल्लाह दिँदै भनेका थिए – ‘प्रजाको सुख नै राजाको सुख हो’ । यस कुरालाई मान्ने हो भने आदर्शरुपमा राजनीतिको लक्ष्य अरु केही होइन, केवल र केवल जनकल्याण मात्र हुन्छ ।
यहाँ के यथार्थ कुरा उल्लेख गर्नै पर्दछ भने हिजो ‘नेता’ शब्द र राजनीतिको क्षेत्रमा मात्र त्याग, बलिदान र देशका लागि निःस्वार्थ समर्पण गर्ने व्यक्तिका लागि मात्र यो सुरक्षित रहन्थ्यो । नेताले जनताका दुःखकष्टका भारलाई कम गर्दथ्यो । राजनीति एउटा सम्मानित र आदर्शको कुरा मानिन्थ्यो । तर, आज राजनीति यो लक्ष्यबाट बिस्तारै–बिस्तारै टाढा–टाढा हुँदै गइरहेको छ । राजनेताको सामाजिक लगावका सीमा खुम्चिँदै–खुम्चिँदै गइरहेका छन् । आज हरेक राजनीतिक दल जाति, धर्म र क्षेत्रको समेत आधारमा आफ्ना प्रत्याशी खडा गर्न थालेका छन् ।
राजनीतिको जातिकरण हरेक क्षेत्रमा चरमोत्कर्षमा पुग्न थालेको देखिँदैछ । यसको दुष्प्रभाव अन्य संस्थामा पनि नराम्ररी पर्दै गएको देखिएको छ । कारण के हो भने राजनीतितर्फको आकर्षणमा आज सेवाको भाव सकिँदै र निमिट्यान्न हुँदै गएको छ । त्यसैले राजनीतिमा पनि अन्य व्यापार व्यवसायजस्तै आजीविका अर्थात् व्यवसाय वा धनोपार्जनको माध्यम बनिसकेको वा बनिरहेको छ । त्यसैले आजका नेताले दुनियाको लागत अर्थात् नाफाको गणित अनुसार कदम उठाउन थालेका छन् ।
यस परिप्रेक्षमा आज हाम्रो देशको मात्रै कुरा गर्ने र सम्पन्न ३ तहको निर्वाचन र त्यसपछिको आजको स्थिति विकासलाई मात्र हेर्ने हो भने पनि राजनीति डरलाग्दो पैसाको खेलमा परिणत भएको छ र भइरहेको छ । आज त चुनावको टिकट पाउनदेखि लिएर मतदाताको मत पाउनसम्म हरेक चरण–चरणमा पैसै पैसाको खेल चल्ने गरेको छ । तल वडा सदस्यदेखि लिएर माथि संघीय सांसदसम्मका लागि लाखौं–करोडौंको हिसाबकिताब अर्थात् चुनावी कारोबार भएको वा हुने गरेको भुक्तभोगीले नै बताइरहेका छन् । अनि त के अस्वाभाविक हँुदैन यसरी चुनाव जितेपछि भने त्यो चुनावी खर्चको असुली गर्ने उपायको अबलम्बन गर्न थालिन्छ ।
चुनाव आयोगले चुनावी खर्चको जुन औपचारिक खर्च तोकेको छ, खर्चको विवरण प्रस्तुत गर्दा त्यही सीमाभित्र वा त्योभन्दा कम खर्च गरिएको नक्कली कागजात बनाइन्छ । कतिपय देशमा यस्तो असीमित चुनाव खर्च के कसरी घटाउने भन्ने चर्चा र विचार बिमर्श चल्न थालेको छ । तर, हामी कहाँ त यो कुरा अहिले सामसुम पारिएको छ । देशमा सर्वत्र भ्रष्टाचार बढ्नु र भ्रष्टाचारीमाथि प्रभावकारी कारबाही नहुनु र तिनलाई ढाकछोप र सामसुम पार्ने कार्यमा सत्ताधारी राजनैतिक दलहरू देखिनु यसैको ज्वलन्त उदाहरण हो ।
वास्तवमा राजनीतिमा आज प्रवेश गर्नेहरू धनाढ्य र सम्पन्न मात्रै हुने स्थिति छ । जसले गर्दा आम परिवर्तनकारी नेपाली जनआन्दोलनमा सक्रिय, समर्पित र संगठितरुपले संलग्नको कुनै अर्थ रहन छोडेको छ । फलतः राजनीतिमा अपराधीकरण र भ्रष्ट प्रवृत्ति व्यापकरुपमा बढ्दो छ वा बढ्दै जाने सम्भावन व्याप्त छ । यहाँ के उल्लेख गर्नु पनि अनुपयुक्त हुँदैन भने पहिला–पहिला राजनीतिककर्मीको व्यापक र प्रामाणिक जनाधार पनि हुन्थ्यो । उनीहरूमाथि नेतृत्वका कथित ‘हाइ कमान’द्वारा प्रायोजित नभएर जनतासँग जोडिएका हुन्थे निरन्तर भेटघाट र संवादको माध्यमद्वारा । उनीहरूका समस्या र त्यस क्षेत्रको यथार्थ स्थितिको खबर हुन्थ्यो । आज त सञ्चार जगतका चालू खबरहरू अर्थात् खबरतन्त्रले नै यो काम गर्ने गर्दछन् । उनीहरूकै समाचारमा भर पर्ने गरिन्छ । तिनैले नेताको छवि पनि निर्माण गर्ने गर्छन् ।
वास्तवमा ‘सञ्चार व्यवस्थापन’ राजनीतिको एउटा प्रमुख काम मानिने गरिन्छ र सञ्चारबाटै नेताहरू जनतासँग जोडिएको मानिन्छ । यो पनि जरुरी कुरा नै हो । तर, यसले जनतासँग प्रत्यक्ष सम्पर्कको स्थान कदापी लिन सक्दैन । निश्चय नै सञ्चारमाध्यम जनसम्पर्कका लागि भन्दा पनि प्रचारका लागि अवश्य सहायक हुन सक्छन् । यसमा कुनै द्विविधा छैन र हुँदैन । तर, तिनले कसको प्रचार के आधारमा गर्छन्, अत्यन्तै गम्भीर र विचारणीय विषय छँदैछ । यस स्थितिमा आज दुःखका साथ भन्नैपर्छ कि ‘जनता’ र ‘लोकतन्त्र’ जस्ता अर्थपूर्ण शब्द केवल दलको नाम र मञ्चको भाषणमा मात्र सीमित हुन पुगेका छन् । त्यसले गर्दा हिजोभन्दा तिनको अर्थ पनि फरक पर्न थालेको छ । यस्तो अवस्थामा एकातिर जनसाधारणको छिट्टै बिर्सने बानी हुन्छ, अर्कोतिर आफ्ना ज्वलन्त समस्या प्रदेश र केन्द्रमा पुर्याउन लामो फन्को मार्नुपर्ने स्थिति हुन्छ ।
एउटा समय थियो – राजनीति क्षेत्रमा कोही संलग्न हुन जानु भनेको एक किसिमले सन्यास लिन जाने जत्तिकै ठूलो त्याग, समर्पण र उच्च आदर्शको कुरा मानिन्थ्यो । राजनीति तपस्या थियो । राजनीतिको ढोका तिनैका लागि मात्र खुल्दथ्यो, जसले आफ्ना व्यक्तिगत र पारिवारिक प्रायः सबै कुरा परित्याग गर्न तयार हुन्छन् । सर्वस्वहरण र जन्म कैद हुँदा पनि या फाँसीकै फन्दामा झुण्डिनु पर्दा पनि राजनैतिक नेता कार्यकर्ता उच्च तथा साँचो गौरवको अनुभूति गर्ने गर्दथे । तिनको सही अर्थमा आत्मबल अत्यन्तै उच्च र अनुकरणीय हुने गर्दथ्यो । तिनको तुलनामा आजका राजनेताको ठाँटबाट, वरिपरि लावालस्कर र तामझाम हेर्दा तिनले राजा महाराजालाई उछिनेको र कोशौं पछाडि छोडेको प्रतीत हुन्छ, भइरहेको छ । आजका यस्ता नेताले आफ्नो धरातल या भुइँ छोडिरहेका या छोडिसकेका छन् । त्यतिबेलाका नेता जनसुलभ थिए ।
आज त जनताले उनलाई भेट्न नै अत्यन्तै कठिन छ । उचित माध्यम बिना तिनलाई जनता कसैले सहज तरिकाले भेट्न र आफ्ना तत्कालीन र दीर्घकालीन समस्या राख्न पनि पाउँदैनन् । नेता छेउ निर्धक्क पुग्न सक्दैनन् । सत्तामा आसिन भएपछि नेता र जनताबीच परस्पर अन्तराल अरु बढ्न पुग्छ । नेताको आफ्नो घमण्ड र तुजुक पनि झन्–झन् बढ्न थाल्छ । उसले तिनै कुरालाई अझ सम्वद्र्धन गर्न लाग्दछ । सत्तातन्त्र तिनैको व्यवस्थापन गर्न लागि रहेको हन्छ । यस्तो स्थितिमा नेता र जनताको संवाद झन्–झन् कम हुँदै जान्छ । यसको अर्को एउटा पक्ष के पनि हुन्छ भने अहिलेका नेतालाई जनताबाट काटिएको प्रायः एकांगी र अधूरो अर्थ–सामाजिक चित्र नै मात्र मिल्ने र त्यसैमा रम्ने प्रवृत्ति र राजनीतिक संस्कृति बन्दछ ।
त्यसैले आज राजनीति अर्थकारी र लाभकारी विद्या बन्न गएको छ । जहाँ कम लागतमा बढी फाइदा सम्भव हुन सक्छ । सक्रिय राजनीतिमा शामिल हुँदा मानिसको सम्पत्तिमा जति बढी बृद्धि भयो त्यो चमत्कार जस्तै मानिन्छ । साधनभन्दा जति बढी आम्दानी केही वर्षमै बढेको देखिछ यो कुनै तन्त्र, मन्त्र, टुना, मुनाको अतिरिक्त कुनै सामान्य मानिसका लागि सम्भव छैन र हुँदैन । आज त राजनीतिमा सेवाको ठाउँमा स्थार्थ स्थापित र व्याप्त भइसकेको छ । यस स्थितिमा राष्ट्रिय राजनीतिको वैचारिक पृष्ठभूमि नराम्रोसँग खस्किँदै गएको र अनाकर्षक भएर ओझेलमा परेको देखिँदैछ ।
यसरी विचार, सिद्धान्त, नीति, नैतिकता, इमान्दारिता सबै कुराबाट राजनीति विमुख हुनु भनेको कुनै उन्नति बिल्कुलै होइन । यो अधोगतिको मात्र बाटो हो । यस स्थितिलाई चिरेर पुनः सही बाटोमा राजनीतिलाई खडा गर्ने महत्वपूर्ण दायित्व फेरि पनि समाजका निष्ठावान क्रान्तिकारी शक्तिकै काँधमा आउँछ । उनीहरूले यान्त्रिक नक्कल, कोरा भावुकता र पाखण्ड प्रदर्शनजस्ता कुरालाई बिल्कुलै छोडेर राजनीतिलाई जनता र राष्ट्रको हितमा सही किसिमले अघि बढाउने दायित्व निर्वाह गर्नै पर्दछ । यही मात्र सही बाटो हो – आमूल क्रान्तिकारी परिवर्तन, स्वाधीनता, समानता, समुन्नति र शतत् शान्तिका निमित्त ! अन्यथा अधोगतिको ओरालो लाग्नु शिवाय देश र जनताका लागि अरु केही हुन सम्भव छैन ।
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...