पुस १९, २०८०
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
चैत २, २०७५
काठमाडौं – प्रदर्शनी मार्गमा रहेको नेपाल संस्कृत विश्वविद्यालयको आंगिक क्याम्पस वाल्मीकि विद्यापीठ राजधानीको केन्द्रमा संघीय सरकारको नाकैमुनि रहेर पनि ओझेलमा परेको छ ।
बाहिरबाट जोसुकैले भित्र नियाल्यो भने कुनै उच्च शिक्षा अध्ययन गर्ने ठाउँ जस्तो नभएर लामो समयदेखि कोही नबस्ने ‘खण्डहर’ जस्तो देखिन्छ । बाहिरी घेराको पर्खाल पुरानो भएको छ, प्रवेशद्वार टिनको पाताले बनाइएको छ । गेटमा सुरक्षा गार्ड बस्ने घर थोत्रो छ ।
झ्यालका जाली च्यातिएका छन् । भवनको छानो चुहिने भएको छ । पुराना र थोत्रिएका सामान राख्ने ठाउँ अव्यवस्थित छ, सामान छरप्रस्ट राखिएको छ । रंगरोगन र मर्मतसम्भारको अभावमा भवन खुइँलिएको छ । विद्यापीठको अगाडिको जग्गामा रहेको बगैंचामा बगैंचाको स्वरूप छैन, बन्दै गरेको धुलाम्मे सडक जस्तो छ ।
४ महिनादेखि तलब आएन
१ सय ७० प्राध्यापक र ४५ जना कर्मचारीले मंसिरदेखि तलब पाएका छैनन् । नेपाल संस्कृत विश्वविद्यालयमा साधारण सभाले आम्दानी र खर्च पारित नगरेसम्म अर्थ मन्त्रालयले अनुदान दिने प्रणाली छैन । विश्वविद्यालयले अनुदान नपाएपछि विद्यापीठको खातामा आवश्यक शीर्षकमा पैसा आउँदैन ।
विश्वविद्यालयमा बल्ल फागुन १९ गते साधारणसभा भयो । ४ महिनापछि तलब खान पाइने खुशीमा छन् प्राध्यापक र कर्मचारीहरू ।
प्रधानमन्त्री कूलपति रहने व्यवस्था रहेको विश्वविद्यालयमा प्रधानमन्त्रीले समय नदिएका कारण साउन भदौं महिनामा नै हुनुपर्ने साधारणसभा फागुनसम्म स¥यो । ‘अब छिट्टै तलब पाउँछौ होला,’ विद्यापीठ प्रमुख गणेशप्रसाद घिमिरेले तमाम निराशाबीच उत्साहित हुँदै भने ।
न रंगरोगन, न पुस्तकालय
२०७२ सालको भूकम्पबाट पुस्तकालयको भवन भत्केपछि ४० हजार जति पुस्तक धमिराले खाएर सिद्धिने अवस्थामा पुगेका छन् । प्रशासनले केही अत्यावश्यक पुस्तकको संरक्षण गरेको छ । बाँकी पुस्तकालय निर्माण गर्ने भवन कोठा नै विद्यापीठसँग छैन ।
‘पुस्तकालय विना नै विद्यापीठ सञ्चालन गर्ने कुरा कति गाह्रो होला ?’ घिमिरेले लोकान्तरसँग गुनासो गरे, ‘आधारभूत समस्या त सम्बोधन भएको छैन, रंगरोगन र अन्य कुराहरूको कसरी सम्बोधन होला ?’
विद्यापीठले आफ्नो मर्मतका लागि १९ वर्षदेखि रकम प्राप्त गर्न सकेको छैन । रंगरोगनको कुरै गर्नुपरेन, भवन खण्डहर जस्तो भएको छ । प्राप्त थोरै रकमले सामान्य र आधारभूत संरचनाको मर्मत गर्दा ठिक्क हुने गरेको छ ।
उत्तरमध्यमादेखि आचार्यसम्म पढाइ हुने यस विद्यापीठमा ८ सय विद्यार्थी पढ्छन् । विद्यापीठमा पढ्ने दलित र जनजाति विद्यार्थीलाई हाजिरीका आधारमा बढीमा १० महिनाको छात्रवृत्ति उपलब्ध गराउँदै आएको छ । विद्यापीठमा पढ्ने ७५ जना विद्यार्थीले वार्षिक छात्रावास सुविधा पाएका छन् ।
विद्यापीठ ‘नेपाल संस्कृत विश्वविद्यालय’ अन्तर्गतको आंगिक क्याम्पस भएकाले हरेक क्रियाकलापको नियन्त्रण विश्वविद्यालयले गर्छ । पढाइ दिउँसो र साँझ गरेर २ चरणमा हुन्छ । यहाँ १७ वटा प्राचीन विषयमा पढाइ हुन्छ । ‘कुनै विषयमा विद्यार्थी थोरै छन्, कुनै विषयमा धेरै छन्,’ घिमिरेले भने, ‘भाषा प्रशिक्षण विषयमा विद्यार्थीको आकर्षण बढिरहेको छ । तर हामीसँग ५० जना विद्यार्थी अटाउने तीनवटा कोठा पनि छैनन्,’ घिमिरेले निराश हुँदै भने ।
नियमनको अभाव
घिमिरेका अनुसार विद्यापीठमा २ जना सुरक्षा गार्डको व्यवस्था छ । तर विद्यापीठ प्राङ्गणभित्र जोसुकै पनि छिर्ने गरेको छ, विद्यापीठले नियमन गर्न सकेको छैन । दिउँसोको समयमा काम नपाएर टहलिन आएकाहरू पनि विद्यापीठकै चौरमा बसेर समय बिताउँछन् ।
‘आवारा र दादागिरीका कारण यस्ता समस्या हल गर्न सकेका छैनौं,’ घिमिरे भन्छन्, ‘केटाकेटीका जोडी आएर टाँसिएर बस्छन्, सुरक्षा गार्ड गएर यसो गरेर यहाँ नबस भन्दा मान्दैनन् । अनि प्रहरी बोलाएर कसरी धपाउनु ?’
गुण्डागर्दीको एउटा उदाहरण सुनाउँदै घिमिरे भन्छन्, ‘एक पटक दिउँसो अचानक एउटा समूह आएर कार्यक्रम गर्नलाई ठाउँ माग्यो । तर मैले हुन्न भनें । अनि त ६ वटा ढोकाहरू तोडेर गएछन् । प्रहरीमा उजुरी गरौं भने राजनीतिक कित्ताबन्दीका आधारमा छाड्छन् । के गर्नु समस्या धेरै छ ।’ घिमिरेले मलिनताका साथ अनुभव सुनाए ।
जीर्ण विद्यापीठको प्रमुख भएतापनि घिमिरे आशावादी देखिन्थे । उनले भने, ‘हाम्रो मुख्य समस्या आर्थिक र भौतिक पूर्वाधारको अभाव हो । अहिले नयाँ ५ तले भवनको डीपीआर तयार गरेर पुनः निर्माण मन्त्रालयमा पठाएका छौं । भारत सरकारको सहयोगमा निर्माण हुने विषयमा छलफल भइरहेको छ ।’
त्यसपछि विद्यापीठको मुहार फेरिन सक्ने आशा छ घिमिरेको । मुस्कुराउँदै घिमिरे भन्छन्, ‘त्यसपछि हेरौं के हुन्छ ? त्यसो भएमा हाम्रो समस्या हल हुन्छ ।’
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...