प्रधानमन्त्री केपी शर्मा ओलीको स्थास्थ्यमा क्रमशः सुधार आएको त्रिवि शिक्षण अस्पतालले जानकारी दिएको छ ।

बिहीवार मनमोहन कार्डियोथोरासिक भास्कुलर तथा ट्रान्सप्लान्ट सेन्टरका कार्यकारी निर्देशक प्राडा. उत्तम कृष्ण श्रेष्ठले एक विज्ञप्ती जारी गर्दै प्रधानमन्त्रीको स्वास्थ्यको पछिल्लो अवस्थाबारे जानकारी दिएका हुन् । 

मंगलवार अचानक पेटमा समस्या आएपछि उनलाई अस्पताल लगिएको थियो । अस्पतालमा उनको एपेन्डिक्सको आकस्मिक शल्यक्रिया गरिएको थियो ।

शल्यक्रिया पछि उनलाई सघन उपचार कक्षमा राखेर उपचार गरिराखिएको छ । उनलाई अझै केही दिन सघन उपचार कक्षमै राखेर उपचार गरिने उपचारमा संलग्न चिकित्सकहरूले बताएका छन् ।