नेपाल प्रहरीको अपराध महाशाखाको टोलीले ज्यान मुद्दामा फरार रहेका एक अभियुक्तलाई गोली हानी नियन्त्रणमा लिएको छ ।

आइतवार महाशाखाको टोलीले विष्णु लामालाई बौद्धस्थित जम्मु डाँडामा घुँडामुनी गोली हानी नियन्त्रणमा लिएको हो ।

लामाविरुद्ध प्रहरी वृत्त बौद्धमा र सिन्धुपाल्चोकमा पनि ज्यान मार्ने उद्योगमा मुद्दा दर्ता रहेको प्रहरीले जनाएको छ ।

महानगरीय प्रहरी कार्यालय प्रमुख डीआइजी विश्वराज पोखरेलले लामालाई नियन्त्रणमा लिने क्रममा गोली प्रहार गरिएको बताए ।

'यत्तिकै नियन्त्रणमा लिन सक्ने अवस्था नभएकाले गोली प्रहार गरिएको हो,' पोखरेलले लोकान्तरसँग भने ।

गोली बायाँ खुट्टाको पिडुलामा लागेको र उपचारका लागि वीर अस्पताल लागिएको प्रहरीले बताएको छ ।