सम्पर्कमा नआएपछि गायिका आस्था राउतलाई पक्राउ गर्ने तयारीमा प्रहरी

फाइल तस्वीर

प्रहरीले गायिका आस्था राउतलाई पक्राउ गर्ने तयारी गरेको छ ।

महानगरीय प्रहरी कार्यालयकी प्रवक्ता उवं वरिष्ठ प्रहरी उपरीक्षक (एसएसपी) किरण बज्राचार्यले राउत सम्पर्कमा नआएपछि उनलाई पक्राउ गर्ने तयारी थालिएको बताइन् ।


Advertisement

प्रहरीले राउतलाई पटकपटक सम्पर्कको कोशिश गरेपनि सफल हुन सकेको थिएन ।

प्रहरी जवान रमिता श्रेष्ठले आफूमाथि अभद्र व्यवहार भएको भन्दै आस्था राउतविरुद्ध विमानस्थल सुरक्षा प्रहरी कार्यालयमा उजुरी दिएकी थिइन् ।


Advertisement

सीसीटीभी फूटेज र प्रतिवेदन महानगरीय प्रहरी कार्यालयमा आइसकेकाले कार्यालयले अनुसन्धान शुरू गरेको एसएसपी बज्राचार्यले बताइन् ।

आस्था राउत र महिला प्रहरी कर्मचारी दुवै पक्षलाई बोलाएर अनुसन्धान गरेपछि कसलाई कारवाही गर्ने भन्ने टुंगो लाग्ने एसएसपी बज्राचार्यले लोकान्तरलाई बताइन् ।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्