१०५ किलो गाँजा बरामद

 सुनसरीबाट करिब एक सय पाँच किलो गाँजा बरामद भएको छ । सशस्त्र प्रहरीले आज साँझ ७ः०० बजे बराहक्षेत्र नगरपालिका-५ स्थित धरान कालाबन्जारको भित्री सडक खण्डबाट गाँजा बरामद गरेको हो । 

सुरक्षा बेस चतराबाट खटिएको मोबाइल गस्तीको टोलीले विशाल चोकबाट कालाबन्जारको जङ्गलतर्फ आउदैँ गरेको अटो नियन्त्रणमा लिइ जाँच गर्दा गाँजा फेला परेपछि बरामद गरेको जिल्ला प्रहरीका डिएसपी शैलेन्द्र थापाले बताए ।  

उनका अनुसार १ ह ६७४२ नं. को अटोलाई शंका लागि चेकजाँच गर्ने क्रममा चार वटा पोकामा  प्रतिबन्धित लागू औषध गाँजा फेला परेको हो ।