काठमाडौं– गीतसंगीत क्षेत्रमा मात्र होइन् चलचित्र क्षेत्रमा पनि स्थापित नाम हो, –नारायण रायमाझी । उनको निर्माण तथा निर्देशन रहेका दुई चलचित्र ‘गोर्खा पल्टन’ र ‘परदेशी’ बक्स अफिसमा रुचाईएका थिए । 

‘गोर्खा पल्टन’ २०६७ सालमा प्रदर्शनमा आएको थियो भने ‘परदेशी’ २०७२ सालमा प्रदर्शनमा आएको थियो  ।

सामाजिक विषयवस्तुका चलचित्र बनाएर दर्शकको मन जितेका उनि अहिले तेस्रो चलचित्रको तयारीमा छन् । उनले निर्माण तथा निर्देशन गर्न लागेको तेस्रो चलचित्र हो, – ‘परदेशी २’ । ‘हो परदेशी टिमले नै यो चलचित्र बनाउन लागेका हौं’, उनि लोकान्तरसंग भन्छन् –‘अहिले स्किृप्ट र रेकर्डिङ लगायतको कामहरु भईरहेको छ ।’ 

उनले चलचित्रको बारेमा अन्य कुराहरु भने खुलाएनन् । 

उनका यसअगाडीका दुवै चलचित्रमा इण्डियन आइडल प्रशान्त तामाङ्ग मुख्य भूमिकामा थिए । यस चलचित्रमा पनि उनि दोहोरिन्छन त ? नारायण भन्छन् –‘अहिले स्कृप्टकै काममा ब्यस्त छौं । उनि दाहोरिने वा नदोहोरिनेमा पुगिसकेका छैनौं ।’ 

दुई महिना भित्र चलचित्र निर्माणका लागि आन्तरिक तयारी सकेर औपचारिक कार्यक्रमकाबीच चलचित्रको घोषणा गरिने उनले बताए ।