काठमाडौं- फिल्म ‘जात्रै जात्रा’को पहिलो गीत ‘माया पिरीम...’सार्वजनिक गरिएको छ । लेखु सहयात्रीको शब्द, कृष्ण भारद्धाजको संगीत, निशान भट्टराई र मनिषा पोखरेलको स्वर रहेको गीतको भिडियोमा मल्टिस्टार कलाकारहरुले नृत्य गरेका छन् । 

भिडियोमा निश्चल बस्नेत, करिश्मा मानन्धर, विपिन कार्की, दयाहाङ राई, वर्षा राउत, सारा सिर्पाइली, रविन्द्र सिंह बानिया, रविन्द्र झा लगायतको नृत्य हेर्न सकिन्छ। भिडियोलाई कविराज गहतराजले कोरियोग्राफी गरेका हुन् । प्रदीप भट्टराईको लेखन तथा निर्देशनमा तयार भएको फिल्ममा रविन्द्र सिंह बानियाँ कार्यकारी निर्माताका रुपमा छन् । फिल्ममा यज्ञश्वर पौडेल र सिङ्गे लामाको लगानी छ । 

सफल फिल्म ‘जात्रा’को सिक्वेल ‘जात्रै जात्रा’ आउँदो वर्ष २०७६ को जेठ ३ गतेबाट प्रदर्शनमा आउने निर्माण यूनिटले जनाएको छ ।

हेर्नुहोस् भिडियो