काठमाडौं – प्रभू बैंक लिमिटेडले आफ्नो शाखा सञ्जाल विस्तार गरी सेवाग्राहीलाई सरल र सहज रुपमा अत्याधुनिक प्रविधि सहितको गुणस्तरीय बैंकिङ सेवा पुर्याउने उद्देश्यका साथ थप २ वटा नयाँ शाखा सञ्चालनमा ल्याएको छ ।

संखुवासभा जिल्लाको खाँदवारी नगरपालिका–१ स्थित खाँदवारी शाखा र उदयपुर जिल्लाको त्रियुगा नगरपालिका–११ स्थित गाईघाट शाखा कार्यालय चैत्र १० गतेका दिन सञ्चालनमा ल्याएको छ ।

संखुवासभा जिल्लाको खाँदवारी नगरपालिका–१ स्थित खाँदवारी शाखा कार्यालयको खाँदवारी नगरपालिकाका मेयर मुरारीप्रसाद खतिवडाले एक समारोहबीच उद्घाटन गरे । त्यसैगरी उदयपुर जिल्लाको त्रियुगा नगरपालिका–११ स्थित गाईघाट शाखाको प्रदेश सभा सदस्य हिमाल कार्कीले उद्घाटन गरे ।

खाँदवारी शाखा कार्यालय र गाईघाट शाखा कार्यालय उद्घाटन कार्यक्रममा सम्बन्धित जिल्लास्थित विभिन्न सरकारी कार्यालयका प्रतिनिधि, विभिन्न राजनैतिक दलका प्रतिनिधि, उद्योग वाणिज्य संंघका पदाधिकारी, विभिन्न संघ संस्थाका प्रतिनिधि, स्थानीय समाजसेवी, भद्रभलादमी, व्यापारी, बुद्धिजीवी लगायत ठूलो संख्यामा सर्वसाधारणको उपस्थिति रहेको थियो ।

कार्यक्रमका दुवै प्रमुख अतिथिले उद्घाटन मन्तव्य राख्ने क्रममा प्रभू बैंकले आफ्नो शाखा सञ्जाल विस्तार गर्दै स्थानीय तहका विभिन्न गाउँपालिका तथा नगरपालिकामा बैंकिङ पहुँचभन्दा बाहिर रहेका सर्वसाधारणलाई सहज, सरल एवं गुणस्तरीय बैंकिङ सेवा उपलब्ध गराउन लागेकोमा प्रशंसा गर्दै  त्रियुगा नगरपालिका र खाँदवारी नगरपालिकाबासीलाई पनि प्रभू बैंकको गुणस्तरीय एवं अत्याधुनिक प्रविधियुक्त बैंकिङ सेवा उपभोग गर्ने अवसर मिलेको हुँदा अवसरको सही सदुपयोग गरी व्यापार व्यवसाय विस्तार गर्न तथा आफ्नो आर्थिक क्रियाकलाप बैंकिङ प्रणालीमार्फत गरी गुणस्तरीय बैंकिङ सेवाको लाभ लिन आग्रह गरेका थिए ।

सञ्चालनमा आएका बैंकका गाईघाट शाखा र खाँदवारी शाखाबाट त्यहाँका स्थानीय तहका सेवाग्राही, सर्वसाधारण, विभिन्न किसिमका व्यावसायिक एवं व्यापारिक फर्म, कम्पनी तथा संघसंस्था बैंकको गुणस्तरीय सेवा उपभोग गरी लाभान्वित हुनेछन् र दुवै नगरपालिकाको समग्र आर्थिक विकासमा टेवा पुग्नेछ भन्ने बैंकले विश्वास लिएको छ ।