अभिनेत्री जयाको पहिलो फिल्मको पारिश्रमिक १० रुपैयाँ

बैशाख २४, २०७६

नयाँदिल्ली– वलिउड अभिनेत्री जया प्रदा विद्यालयको वार्षिक उत्सव कार्यक्रममा आयोजित नृत्य प्रतियोगिताबाट उनी अभिनय क्षेत्रमा प्रवेश गरेकी हुन् । उक्त कार्यक्रममा सहभागी एक निर्देशकले उनलाई पछि तेलुगू फिल्ममा नृत्यका लागि प्रस्ताव गरेका थिए । जया प्रदाले तेलुगू फिल्म ‘भूमिकोसम’ मा तीन मिनेटको एकल नृत्य गरेकी थिइन् । 

उक्त फिल्मको लागि उनले १० रुपैयाँ पारिश्रमिक पाएकी थिइन् । पछिल्लो समय उनी अभिनयसँगै राजनीतिक क्षेत्रमा पनि छन् । सन् १९९४ मा तेलुगू देशम पार्टीमा आबद्ध भएकी उनी १९९६ मा आन्द्र प्रदेशको प्रतिनिधित्व गर्दै राज्य सभामा मनोनित भएकी थिइन् । त्यसपछि समाजवादी पार्टीमा आवद्ध भएकी उनी सात भाषाका करिब ३०० फिल्ममा काम गरिसेककी छन् ।
 


ADVERTISEMENT

बैशाख २४, २०७६ मा प्रकाशित

प्रतिक्रिया दिनुहोस

ताजा समाचार