चट्याङ लागेर अछाममा बालकको मृत्यु

अछामको रामारोशन गाउँपालिका–७ मेलकाटिया चट्याङ लागेर एक बालको ज्यान गएको छ । चट्याङ लागेर कमल भण्डारीका छ वर्षीय छोरा गौरवको मृत्यु भएको हो । 

सोमबार राति हुरीबताससँगै परेको चट्याङले उनको मृत्यु भएको सोही वडाका पूर्वअध्यक्ष खड्कबहादुर भण्डारीले बताए । 

यसैबीच, डडेल्धुरामा चट्याङले एकै घरका तीनजना घाइते भएका छन्भने घर पूर्ण रूपमा नष्ट भएको छ । सोमबार बेलुका परेको चट्याङले अमरगढी नगरपालिका–३ कोटेउडाका देवराज पाण्डेय, उनकी श्रीमती चन्द्रावतीदेवी र छोरा दिपेश घाइते भएका हुन् ।

स्थानीय विष्णु पाण्डेयका अनुसार घाइते उनीहरूको अवस्था सामान्य छ  ।