बाँके – जिल्लाको राप्ती सोनारी गाउँपालिकाका तरुण दल उपाध्यक्ष प्रदीप रजकमाथि सांघातिक आक्रमण गरेर फरार रहेका ३ जनालाई प्रहरीले पक्राउ गरेको छ ।

इलाका प्रहरी कार्यालय कोहलपुरको टोलीले आक्रमणमा संलग्न वसन्त घर्ती, नारायण डाँगी र ऋषि देवकोटालाई आज कोहलपुरबाट पक्राउ गरेको प्रहरी नायव उपरीक्षक रमेशबहादुर सिंहले जानकारी दिए ।

आक्रमणमा ८ जनाको संलग्नता रहेको र सबैलाई पक्राउ गरिने उनले बताए । पीडितको जाहेरीपछि मुद्दा प्रक्रिया अगाडि बढाइने सिंहले बताए ।