काठमाडौँ - चार दिनका लागि नेपालको राजकीय भ्रमणमा आएका बंगलादेशी राष्ट्रपति अब्दुल हमिद र नेपालका प्रधानमन्त्री केपी शर्मा ओलीबीच शिष्टाचार भेट भएको छ ।

बुधवार अपरान्ह सामाजिक सञ्जाल ट्वीटरमा लेख्दै प्रधानमन्त्री ओलीले बंगलादेशको राष्ट्रपतिसँग भेट भएको जानकारी दिए ।

भेटमा द्विपक्षीय हितका विषयमा छलफल भएको थियो ।

३ दशकपछि बंगलादेशबाट नेपालमा राष्ट्रपति स्तरीय भ्रमण भएको हो । राष्ट्रपति अब्दुल हमिद मंगलवार काठमाडौँ आएका थिए ।

बुधवारै राष्ट्रपति हमिदसँग नेपालकी समकक्षी राष्ट्रपति विद्यादेवी भण्डारी, सत्तारूढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल 'प्रचण्ड', प्रमुख प्रतिपक्षी दल नेपाली कांग्रेसका सभापति शेरबहादुर देउवा लगायतले भेटवार्ता गरिसकेका छन् ।

I had a fruitful meeting with His Excellency Mr. Md. Abdul Hamid, President of the People's Republic of Bangladesh.On behalf of the Goverment and people of Nepal and on my own, I extend a warm welcome to HE the President, Madam Hamid & the delegation. I wish them a pleasant stay. pic.twitter.com/6wDnkVavjv

— K P Sharma Oli (@kpsharmaoli) November 13, 2019