स्वास्थ्यमन्त्रीले गरे मातहतका निकायका प्रमुखहरुकाे सरुवा (सूचीसहित)

स्वास्थ्यमन्त्री भानुभक्त ढकाल।

सरकारले स्वास्थ्यका विभिन्न निकायका अधिकारीहरुको जिम्मेवारी हेरफेर गरेको छ।

स्वास्थ्य तथा जनसंख्यामन्त्री भानुभक्त ढकालले बिहीबार स्वास्थ्य सेवा विभागको निमित्त महानिर्देशकमा महेन्द्रप्रसाद श्रेष्ठलाई नियुक्त गरेका छन्। उनी स्वास्थ्य मन्त्रालयका प्रवक्ता थिए। विभागका निमित्त महानिर्देशक रहेका डा रोशन पोखरेलको स्वास्थ्य मन्त्रालय सरुवा भएको छ।


Advertisement

डा गुणराज लोहनीको स्वास्थ्य मन्त्रालय, नीति योजना महाशाखा प्रमुखमा सरुवा भएको छ। नीति योजना महाशाखा प्रमुख डा विकास देवकोटाको स्वास्थ्य समन्वय महाशाखामा सरुवा भएको छ।

यसैगरी, कान्ति बाल अस्पतालको निर्देशकमा डा कृष्णप्रसाद पौडेल नियुक्त भएका छन्। राष्ट्रिय ट्रमा सेन्टरको निमित्त मेडिकल सुपरिन्टेन्डेन्टमा डा सन्तोष पौडेल नियुक्त हुँदा डा बासुदेव पाण्डेलाई इपिडिमियोलोजी तथा रोग नियन्त्रण महाशाखाको निर्देशकको जिम्मेवारी दिइएको छ। पाण्डे यसअघि  टेकुमा सहिद शुक्रराज ट्रपिकल तथा सरुवा रोग अस्पतालको निर्देशक थिए। इपिडिमियोलोजीका निर्देशक डा विवेककुमार लाल राष्ट्रिय क्षयरोग केन्द्रमा पुगेका छन्।


Advertisement

 डा सागरराज भण्डारीले टेकु अस्पतालको निर्देशकको जिम्मेवारी पाएका छन्।

सरकारले डा रविन खड्कालाई वीर अस्पतालमा सरुवा गरेको छ। त्यस्तै प्रादेशिक अस्पताल कोशी र भेरीकाे मेडिकल सुपरिन्टेन्डेन्टमा क्रमश: डा चुमनलाल दास र डा प्रकाश थापा नियुक्त भएका छन्।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्