गण्डकी प्रदेशका प्रदेश प्रमुख अमिक शेरचनले ‘कोरोना भाइरस सङ्क्रमण रोकथाम, नियन्त्रण तथा उपचार कोष’ मा आफ्नो एक महिनाको पारिश्रमिक प्रदान गर्ने भएका छन्।

विश्वव्यापी महामारीका रुपमा फैलिएको कोभिड–१९ को सम्भावित प्रकोप रोकथाम तथा नियन्त्रणका लागि नेपाल सरकारद्वारा स्थापित सो कोषमा प्रदेश प्रमुख शेरचनले आफ्नो एक महिनाको पारिश्रमिक प्रदान गर्ने भएका हुन्। 

राष्ट्रिय वाणिज्य बैंक सिंहदरबारमा कोषको नाममा रहेको खातामा रकम जम्मा गर्नका लागि प्रदेश प्रमुख शेरचनले आवश्यक व्यवस्था मिलाउन निर्देशन दिएको उनका प्रेस संयोजक रुद्र श्रीसमगरले जानकारी दिए।