कोरोना भाइरस (कोभिड–१९) को उपचारको लागि सरकारद्वारा विशेष अस्पतालको रुपमा तोकिएको सेती प्रादेशिक अस्पताल धनगढीमा कार्यरत प्रयोगशालाकर्मीहरुले मार्मिक पत्र लेख्दै आफ्नो पीडा बुझिदिन सरकारसमक्ष आग्रह गरेका छन् ।

मुलुकमै सबैभन्दा बढी कोरोना संक्रमित बिरामी रहेको अस्पतालमा आफुहरुको पीडा कसैले नबुझेको र बुझ्ने प्रयत्न समेत नभएको भन्दै प्रयोगशालाकर्मीहरुले पत्रमार्फत पीडा पोखेका हुन् ।

आफ्नो नाम उल्लेख नगरिकन उनीहरूले पत्रमा लेखेका छन् -

नेपालमा देखिएका कोरोनाका बिरामीमध्येसबैभन्दाधेरैसेती प्रादेशिक अस्पतालमा उपचारत छन् । कोरोनाको यस लडाईमा सबैभन्दा कठिनकाम होकोरोना संक्रमितबिरामीको रगत नमूना तथा थ्रोट स्वाब संकलन गर्नु ।

यससँगैसंक्रमितबिरामीको पहिचान गर्नु तथा संक्रमितबिरामीको उपचारमा पटक–पटक संक्रमितको अवस्थाको स्वास्थ्य स्थिति थाहा पाउन गरिने प्रयोगशाला जाँच्नको लागि नमूना संकलन गर्नुपनि उत्तिकै कठिन छ।

कोरोनाको धेरै अनुसन्धान नभएको हालको अवस्थामा अनुसन्धानमा सहयोग पुर्‍याउनको लागि पनि प्रयोगशालाकर्मीले संक्रमितबिरामीहरुको एकै दिनमा पनि पटक–पटक नमूना संकलन गर्नु परेको अवस्था छ । यस अवस्थामा कोरोना उपचारमा संलग्न डाक्टर,नर्स जोखिमको अग्रपंक्तिमा छन् कि,हामी प्रयोगशालाकर्मी ?

बिरामीको पहिचानदेखि उपचारसम्मको प्रक्रियामा प्रयोगशालाकर्मीहरुले जाँच कार्य तथाबिरामीको नमूना संकलन कार्यमा जोखिमपूर्ण अवस्थामा छन् । संक्रमणको खतरा पनि बढी छ । नमूना संकलन गर्दाबिरामी र प्रयोगशालाकर्मीबीचको दूरीशून्यबराबर हुन्छ ।बिरामीको घाँटी र नाकबाट स्वाब लिने बेला संक्रमितबिरामीले खोक्ने,हाछ्यु गर्ने,कुनैबेला त उल्टी समेत गर्दछन् । जसकारण संक्रमणको खतरा हरसमय रहिरहन्छ ।

पलपल मानसिक तनाव र मानसिक युद्धका साथ आफूहरु कोरोना विरुद्धको लडाईमा लागेको प्रयोगशालाकर्मीहरुले पत्रमा स्पष्ट पारेका छन् । तर जोखिमको अग्रपंक्तिमा डाक्टर र नर्स भनेर मिडियाको प्रमुख समाचार बनेर आउँदा आफुहरु अपहेलित महसुस गर्दै आएको उनीहरूले बताएका छन् ।

पत्रमा थप भनिएको छ - प्रयोगशालाकर्मीलाई पीपीई किट प्रयोग गर्ने बेलादेखि मानसिक संक्रमणको डर रहिरहन्छ। मानसिक युद्धका समयमास्याम्पलकलेक्सनदेखि जाँचसम्ममा होमिएका हुन्छन् । यसरी दिनरात मानसिक युद्धका साथ कोरोनाको लडाईमा होमिएका प्रयोगशालाकर्मीको मनोबल बढाउने काम कहींकतैबाट पनि भएकोपाइँदैन ।

उच्च जोखिम मोलेर काम गरिरहँदा पनि विभिन्न पत्रपत्रिकाको न्यूज हेर्दा कोरोना संक्रमणको जोखिमको अग्रपंक्तिमा डाक्टर,नर्स मात्रै हुन भन्ने समाचार आउँदा प्रयोगशालाकर्मीहरुको काम गरेर पनि आफुहरुले जस नपाएको हो कि ?जस्तो लाग्छ । डाक्टर,नर्ससँगैके साँच्चिकै प्रयोगशालाकर्मी कोरोना संक्रमणको जोखिमको अग्रपंक्तिमा छैनन् त ?’

कोरोना भाइरस (कोभिड–१९) को उच्च जोखिममा रहेको सुदूरपश्चिम प्रदेशमा हालसम्म ६ हजार २२६ जना शंकास्पद व्यक्तिहरुको नमूना परीक्षण गरिएको छ ।

सामाजिक विकास मन्त्रालयले बिहीवार जारी गरेको सूचना अनुसार हालसम्ममा ६ हजार ८७४ जनाको नमूना संकलन गरिएको मध्ये ६ हजार २२६ जनाको परीक्षण गरिएको हो । जुन परीक्षणबाट हालसम्म ५ जना बिरामीहरुमा कोरोना पोजिटिभ देखिएको हो ।

सुदूरपश्चिमको ९ वटै जिल्लाहरुमो आरटी पीसीआर र आरडीटी विधिबाट परीक्षण थालिएको छ । जसअनुसार आरटी पीसीआरबाट २ हजार ५४१ जनाको नमूना संकलन गरिएको छ, भने १ हजार ८९३ जनाको परीक्षण गरिएको सामाजिक विकास मन्त्रालयले जनाएको हो । जुन परीक्षण रिपोर्टबाट ५ जना बाहेक सबैमा नेगेटिभ रिपोर्ट आएको छ ।

त्यस्तै हालसम्म ४ हजार ३३३ जनाको आरडीटी परीक्षणको लागि नमूना संकलन गरिएको छ । भने ४ हजार ३३३ जनाको परीक्षण गरिएको जनाइएको छ ।