मंसिर ३, २०८०
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
सबैलाई जाहेर छ – विश्व रोगी छ, बिरामी छ, तनाव, दबाब र प्रभावबाट प्रभावित छ र असुरक्षाको चरम विन्दुमा रन्थनिएको छ ।
कोरोनाको कष्ट, आर्तना, रोदन र संकटबाट कसरी छुटकारा पाउने भनेर लामो स्वास तान्दैछ । विश्वका कैयौ युवाहरू यसको न्यूनीकरण, निराकरण र निर्मूलको खोज र सोधमा मस्त छन् । बुद्धि र दिमागको प्रयोग गर्दैछन् ।
हामीहरू भने बुद्धिको होइन, मनको प्रयोग गर्दैछौं । आफूलाई सामाजिक सञ्जालका काल्नाहरूमा हजारौं पटक हाँसीमजाकका पात्र बनाइरहेका छौं ।
अमूल्य समय प्रोफाइल पल्टाउँदै पुराना स्टोरीहरू खोतल्दै छौं । मानौं, खानी उत्खनन् गर्दैछौं । प्रयोगशालामा परीक्षण गर्दैछौं । फेसबूक, ट्विटर, टिकटक लगायतका सामाजिक सञ्जालका भाँडाहरूमा सयौं एमबीको डाटा लिएर आफूलाई सार्थक र अब्बल रुपमा बेजोडले प्रस्तुत गरिरहेका छौं ।
यसरी कि मानौं हामी नासाको आविष्कारको लागि केही मेहनत गर्दैछौं । केही दुःख गर्दैछौं । केही सोध गर्दैछौं । सोच्ने र गर्ने अनेकौं क्षेत्र र विषयहरू छन् । मन, मस्तिष्क र मनहरू त्यता पनि चलाउन सकिन्छ । शारीरिक दूरी कायम गरौ मात्र भनेकोे हो, बाँकी परिवारिक सुसम्बन्धलाई थप गति दिने मौका पनि त हो यो ।
कुनै व्यक्तिले सम्पादन गर्ने कार्यहरू र प्रस्तुत गर्ने व्यवहार उसको मात्र परिचय होइन, स्वयं उसको परिवारको पनि परिचय हो । कसैलाई नयाँ लेखक, अभिनेता, अभिनेत्री र नेतृत्वको परिचय बनाइदिएको छ भने कसैलाई कसूरदारको परिचयसम्म पुर्याइदिएको छ ।
सञ्जालमा सबै लाभका कुरा मात्र छैनन्, लाजका कुरा पनि छन् । केही लुकाउनुपर्ने कुरा छन्, केही खुलाउनु पर्ने कुरा छन् । व्यक्तिगत सूचना र डाटा चोरी र तस्करीका विषय पनि छन् ।
सामाजिक सञ्जाल बिस्तारै सूचना सञ्जाल भएको छ । सूचनाको तीव्र प्रसारण र वितरण हुने हब बनेको छ ।
त्यसकारण आधिकारिक सूचना पोस्ट, शेयर र ट्याग गर्दा मात्र सही सूचनाको प्रवाह भई व्यक्ति सू–सचित र सजग भई सभ्य समाजको स्थापना हुन्छ । कैयौ फेक सूचना र जानकारीले व्यक्तिलाई दिग्भ्रमित गरिरहेका हुन्छ । उसलाई गुमराहामा राखेको हुन्छ । त्यस्ता सूचनाले व्यक्ति र संस्थागत हित गर्दैनन् ।
विश्वको दूरी धेरै दूर भएन । छिनभरमै विश्वका हरथोक विश्वव्यापीकरण र स्थानीयकरण हुन्छन् । विश्व एक घर भएको प्रतित सामाजिक सञ्जालहरूले दिइरहेकै छन् ।
शासनको प्रभावकारिताको मापन र अप्रभावकारिताको मूल्यांकन पनि यिनैमार्फत हुन थाल्यो । इ–डेमोक्रेसीको गतिशिलता पनि सामाजिक सञ्जालका रुटमा दौडिन थाल्यो । व्यक्तिको सफलताको चर्चा र असफलताको दुर्गन्ध यसले छिनभरमै संसारमा फैलिन, सच्चिन र सुध्रिन बाध्य पार्न थाल्यो ।
विश्वको कुनै उत्पादन, उन्मूलन र उत्खनन् विश्वको साँझा उपभोगको विषय बन्न पुगेको छ । कोरोना नियन्त्रणका विधि र प्रविधिको प्रयोगमाथिको पहुँच र प्रयोग यसको विकास विना कसरी सहज र सरल थियो र ? अमेरिकन नागरिकले मृत्यवरण गर्दा नेपाली नागरिक दुःख व्यक्त गर्ने यो जतिका साझा ‘प्लेट फर्म’ दुनियाँमा अर्को के हुनसक्छ ?
साच्चै ! इ–गभर्नेन्सको आधार तय भएको छ । इ–डेमोक्रेसीको विकासमा सहजता थपिएको छ । सार्वजनिक सेवा, बैंकिङ सेवा र अनलाइन सेवा धमाधम प्रदान हुन थाले । राज्यका हरेक अंगहरू इन्टरनेटको प्रयोगमार्फत अनलाइन सेवाहरू वितरण गर्न थाले । व्यक्ति तथा नागरिकको पहुँच पुग्ने, प्रत्यक्ष सहभागी हुने र समय र खर्चका हिसाबले काइदाको व्यवस्थाको अवलम्बन हुँदैछ ।
यद्यपि यसका पनि आफ्नै कमीकमजोरी होलान्, त्यो अलग विषय हो तर इ–तालिम, इ–शिक्षा, इ–स्वास्थ्य लगायतका व्यवस्थाको जुझारु शुरूआत भएको छ ।
इ–डेमोक्रेसीको व्यवस्थित र व्यापक अनुभूति हुन थालेको छ । पढ्न, लेख्न, सेमिनार, गोष्ठी र छलफल गर्न भोलि भौतिक उपस्थितको आवश्यकता नपर्न सक्छ । शासनका पात्रहरूको मूल्यांकन गर्दै इ–कारवाही गर्दै पदच्यूत समेत गरी अर्को पात्रलाई सेवा र पेशाप्रति बफादार हुन उद्येलित गरिदिएको छ ।
कसैले कसैको कामको बेलिविस्तार लगाउनु पर्दैन । सबै खुला छन् । स्पष्ट छन् । सही र गलत मूल्यांकन गर्ने न्यायालय बाहिरका ‘जज’को समेत स्थापना भयो । यसमा अदम्य शक्ति छ ।
कसैलाई हटाए र घटाउन सक्छ । यसले एक खुला समाजको स्थापनामार्फत सबैलाई जोडेको छ । यसले सेवा वितरणहरू मात्र होइन, विश्वका अप्ठ्यारा र अवरोध समेत एकीकृत गरेका छ । विश्व बन्धुत्वको सिद्धान्तलाई आत्मसाथ गरेको हुन्छ ।
प्रजातन्त्रले हरेक व्यक्तिसँग अपेक्षा गरे जस्तै इ–डेमोक्रेसीले पनि केही अपेक्षा राखेको हुन्छ । यसले सामूहिक निर्णय र त्यसको वैधानिक परीक्षण गर्न जनताको मत अभिमत स्वस्थ भएर राख्न साझा अवसर प्रदान गर्दछ । यो छाडापना अपेक्षा राख्दैन । विशेषतः इ–प्रजातन्त्रमा साक्षर, बुद्धिवान र सचेतहरू जोडिएका हुन्छन् ।
यस्तोमा झन् अपराध कम हुनुपर्ने तर अपराधको दर बढ्दो छ । यसले के प्रमाणित गर्दछ भने अपराध निरक्षरभन्दा साक्षरबाट बढी हुन्छ ।
यी समय बेतित गर्ने बेकामका मनोरञ्जनका साधन मात्र होइनन्, व्यक्ति चिन्ने, जानकारी लिने, व्यक्तिसँग सम्बन्ध सम्पर्क बढाउने र प्रतिभा जन्माउने थलो पनि हुन् । खराब प्रवृत्तिको सामूहिक भत्र्सना गर्ने साधन पनि हुन् ।
अन्ततः हरेक संकटले नविनताको बरदान प्रदान गर्छ । अहिलेका आईसीयू र भेन्टिलेटर पनि कुनै बेलाको महामारीले अन्वेषण गर्न पठाएका उपहार हुन् । अहिलेको संकटले पनि पक्कै नविनता छोड्न बाध्य बनाउने छ ।
वर्तमान संकटले खोज र अनुसन्धानको दायर थप फराकिलो र घनिभूत पार्ला नै तर वर्तमानमा नै इ–डेमोक्रेसीको बास्ना मगमगाउन थालेको छ ।
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...