कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जेठ २१, २०७७
प्रधानमन्त्री केपी शर्मा ओलीले लकडाउनको मोडालिटीका बारेमा छलफल गर्न विज्ञहरूको समूहलाई बालुवाटार बोलाएका छन् ।
पछिल्लो समय जेठ ३२ गतेसम्मका लागि लम्ब्याइएको लकडाउनले पारेको असर तथा आगामी योजना कसरी बनाउने भन्नेबारे छलफल गर्न प्रधानमन्त्रीले स्वास्थ्य, अर्थ तथा सामाजिक क्षेत्रका २५ जना विज्ञहरूलाई बोलाएका हुन् ।
प्रधानमन्त्रीको सरकारी निवास बालुवाटारमा बुधवार अपराह्न ४ बजे छलफल हुने कार्यक्रम रहेको बालुवाटारनिकट स्रोतले जानकारी दियो ।
कोरोना रोकथाम तथा नियन्त्रण उच्चस्तरीय समन्वय समितिका संयोजक ईश्वर पोखरेलले लकडाउन आवश्यक रहेपनि यसको स्वरूप परिवर्तन गर्ने विषयमा छलफल चलिरहेको बताए ।
‘हामीले निरन्तर विषय विज्ञहरूसँग छलफल गरिरहेका छौं, त्यहीलकडाउन मोडालिटीबारे केही विज्ञहरूलाई बोलाइएको हो,’ पोखरेलले भने ।
छलफलमा डाक्टर स्वर्णिम वाग्ले, डाक्टर भगवान कोइराला, डाक्टर सन्दुक रुइत, डाक्टर शंकर शर्मा, रामेश्वर खनाल लगायतका विज्ञहरू संलग्न हुनेछन् ।
कोरोनाले पारेको आर्थिक, सामाजिक लगायत सबै क्षेत्रको समीक्षा हुने र आगामी योजनाका लागि विज्ञहरूले प्रधानमन्त्रीलाई सल्लाह दिनेछन् ।
प्रधानमन्त्री कार्यालय सिंहदरबारमा मंगलवार पनि उद्योगी व्यवसायीहरूसँग उपप्रधानमन्त्री तथा रक्षामन्त्री पोखरेलले छलफल गरेका थिए ।
‘उहाँहरूले पनि आफ्नो खालको सुझाव दिनुभएको छ,’ पोखरेलले भने, ‘विषय विज्ञहरूसँग छलफलमा निस्केको निष्कर्ष उच्चस्तरीय समन्वय समितिमा जान्छ, त्यसपछि त्यो गृहकार्यको फेजमा जान्छ । अनि प्रस्ताव तयार भएपछि मन्त्रिपरिषद्बाट पास हुन्छ ।’
प्रधानमन्त्री ओलीले संसदमा बोल्ने क्रममा विषय विज्ञहरूसँग छलफल गरेर यसका बारेमा आवश्यक निर्णय लिने बताइसकेका छन् ।
पछिल्लो समय कुनै तयारीविनै लकडाउनको अवधि बढाएको भनेर सरकारमाथि आलोचना भइरहेको थियो ।
कोरोनाले भन्दा पनि अन्य कारणले मृत्युको संख्या बढ्न सक्ने भन्दै जनस्वास्थ्यविदहरूले सरकारलाई चेतावनी दिँदै आइरहेका थिए ।
लोकान्तरसँग कुरा गर्दै जनस्वास्थ्यविद डाक्टर समीर दीक्षितले लकडाउनका कारण अन्य दीर्घरोगीहरूले औषधि पाउन नसकेको, बच्चाको खोप कार्यक्रम प्रभावित भएको, आर्थिक अभावका कारण डिप्रेसन सिर्जना भएको र आत्महत्याको डर बढ्दै गएकोमा चिन्ता प्रकट गरे ।
विश्व स्वास्थ्य संगठनले पनि बेलाबेलामा कोरोना भाइरस छिटै संसारबाट ननासिने बताउने गरेको छ । यससँगै जीवन जिउन आवश्यक पर्ने तौरतरिकाहरू अपनाउन बेलाबेलामा विश्वका नागरिकहरूलाई सुझाव दिँदै आइरहेको छ ।
‘यी सबै सन्दर्भहरूको आलोकमा रहेर प्रधानमन्त्री आफैंले विविध पक्षहरूसँग छलफलमा चासो देखाउनु सकारात्मक हो,’ प्रधानमन्त्री कार्यालयबाट फोन आएपछि आफूले केही प्रस्ताव तयार गरेको बताउँदै एक विज्ञले भने, ‘मुख्यतः अहिलेसम्मको डाइग्नोसीस एउटा महत्त्वपूर्ण पाटो हो । त्यसमा असाध्यै ठूलो कमजोरी देखिएको छ । कुनै अनुभव नै नभएका स्थानीय निकायका पदाधिकारीहरूलाई क्वारेन्टाइन व्यवस्थापनको जिम्मा दिइयो जुन ठीक भएन ।’
उनले थपे – ‘सिमित आर्थिक गतिविधिहरू संचालन गर्न दिनुपर्छ भन्ने मेरो प्रस्ताव हो । छिमेकमा रहेको पसल खोल्न नदिएपछि मान्छेहरू स्वतः टाढा पुग्छन् । यसले मान्छेहरूको भीड बढाएको छ । त्यो विषयमा पुनर्विचार हुनुपर्छ ।’
यससँगै उनले परीक्षणका लागि सरकारी संयन्त्रहरू मात्र अपुग हुने भएकाले प्राइभेट अस्पताललाई पनि खुला गर्नुपर्ने आफ्नो प्रस्ताव रहेको बताए ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...