नेपाली कांग्रेसका केन्द्रीय सदस्य तथा पूर्वमन्त्री शंकर भण्डारीले नेपाललाई हिन्दूराष्ट्र घोषणा गरिनुपर्ने बताएका छन्।

व्यास नगरपालिका-१० सिसुवा, भतेरीमा स्थानीय गाईको संरक्षण गर्न निर्माण गर्न लागिएको ट्रस्टको आइतबार शिलान्यास गर्दै उनले नेपालमा अधिकांश हिन्दू जनता भएकाले सनातन हिन्दू राष्ट्र सहितको राष्ट्र घोषणा गर्नुपर्नेमा जोड दिए। 

धार्मिक भावना घट्दै गएकाले देशमा हत्या, हिंसा, बलात्कारजन्य घटना बढ्दै गएको बताउँदै उहाँले धर्मले सदाचारी नेता, नैतिकवान कर्मचारी तथा शान्त समाज निर्माणमा सहयोग पुग्ने हुँदा हिन्दू राष्ट्रको संरक्षण गर्नुपर्ने उनले धारणा राखे। 

नेपालमा करिब ६० प्रतिशत धार्मिक पर्यटक आउने गरेको र हिन्दू राष्ट्र घोषणा गर्दा यो सङ्ख्या अझ बढ्ने उनको विश्वास छ। विश्वको एकमात्र हिन्दू राष्ट्रभन्दा नेपाल सबै हिन्दूको आस्थाको केन्द्र बनाउनुपर्नेमा जोड दिए।
लक्ष्मी पूजालगायतका हाम्रो धर्ममा गाई अनिवार्य आवश्यक पर्ने हुँदा यसको संरक्षणका लागि स्थानीय तहबाटै पहलकदमी गरिनुपर्ने उनको भनाइ थियो।

 उनले भने, ‘गौ मातालाई स्वास्थ्य राख्नका लागि  पौष्टिक आहार व्यवस्था गर्नुपर्छ।’