चैत ७, २०८०
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
असोज ५, २०७७
कोरोना संक्रमित व्यक्तिले ‘होम आइसोलेसन’ रोजेर घरमै बस्न थालेपछि प्रदेश सरकारले सञ्चालन गरेका सरकारी आइसोलेसन रित्तिएका छन् ।
प्रत्येक दिन नयाँ कोरोना संक्रमित फेला पर्ने गरेको भए पनि संक्रमितहरू सरकारी आइसोलेसनमा जानुभन्दा ‘घरमा नै ठीक हुन्छ’ भनेर होम आइसोलेसनमा बस्न थालेका छन् ।
धनुषाको गंगुलीमा सञ्चालन गरिएको आइसोलेसनमा रहेका सबै संक्रमित डिस्चार्ज भएपछि भदौ १८ गतेदेखि नै आइसोलेसन खाली छ । असार १९ गतेदेखि सञ्चालित आइसोलेसनमा भदौ १८ गतेसम्म २३९ जना संक्रमित भर्ना भएर डिस्चार्ज भएका आइसोलेसन संयोजक सन्तोष ठाकुरले बताए । धनुषाकै लक्ष्मीनिया गाउँपालिकाको सपहीमा सञ्चालन गरिएको आइसोलेसन पनि असोज २ गतेदेखि खाली भएको छ । जेठ १७ गतेदेखि सञ्चालन भएको आइसोलेसनमा हालसम्म कूल ७१७ जना संक्रमित भर्ना भएका थिए ।
प्रदेश सरकारले सञ्चालन गरेका दुवै आइसोलेसनमा लक्षण नदेखिएका कोरोना संक्रमितलाई भर्ना गरिन्थ्यो । ‘अहिले कोरोना संक्रमित भए पनि लक्षण नदेखिने बिरामीहरू आफ्नै घरमा होम आइसोलेसन भएर बस्न थालेका कारण नयाँ संक्रमित नआएकाले दुवै आइसोलेसन खाली छन्,’ संयोजक ठाकुरले भने, ‘तर कुनै पनि बेला एकै पटक ठूलो संख्यामा संक्रमण देखा पर्यो भने कहाँ राख्ने भनेर समस्या हुने भएकाले आइसोलेसनलाई संञ्चालनको अवस्थामा नै राखिएको छ ।’
पछिल्लो समय सुरक्षाकर्मी, धनुषामा कार्यरत बाहिरी जिल्ला घर भएका कर्मचारी, धनुषामा नै घर भए पनि घरमा छुट्टै शौचालय तथा कोठा नभएका संक्रमितहरू मात्र सरकारी आइसोलेसनमा बस्ने गरेका थिए । प्रदेश सरकारले सञ्चालन गरेको आइसोलेसनमा सुविधा बढी नभएको, सरसफाइसहित खानेकुराको समेत राम्रो बन्दोबस्त नगरिएको भनेर बिरामीले गुनासो गर्न थालेपछि अन्य संक्रमित सरकारी आइसोलेसनमा जाने गरेका छैनन् ।
सरकारी आइसोलेसनमा प्रादेशिक अस्पताल जनकपुरको चिकित्सकीय व्यवस्थापन तथा सामाजिक विकास मन्त्रालय मातहत रहेको प्रदेश स्वास्थ्य आपूर्ति व्यवस्थापन केन्द्रले खानादेखि भौतिक पूर्वाधारसहित व्यवस्थापनको खर्च गर्दै आएको छ । दुवै आइसोलेसनमा नेपाली सेनाले सुरक्षासहित खाद्यान्नको जिम्मेवारी लिएको छ ।
सरकारी आइसोलेसनमा बसेका संक्रमितले आइसोलेसनलाई उपचार केन्द्रभन्दा पनि जेल जस्तो बनाइएको, उपचार गर्न चिकित्सक वा स्वास्थ्यकर्मी कहिल्यै नआएको भनेर खुलासा गरेका थिए । गंगुलीस्थित आइसोलेसनमा रहेका संक्रमितको तापक्रम मापन गर्न स्वास्थ्यकर्मी नजाने गरेको तथा सफाइकर्मी (स्वीपर) लाई पठाउने गरेको भिडियो नै एक जना संक्रमितले सामाजिक सञ्जालमा राखेका थिए ।
धनुषाका प्रमुख जिल्ला अधिकारी (सीडीओ) प्रेमप्रसाद भट्टराईले हालसम्म १४४ जना होम आइसोलेसनमा बसेका बताए । ‘हामीसँग स्वीकृति लिएर नै निजी चिकित्सकको परामर्शमा संक्रमित भएका व्यक्ति आफ्नै घरमा आइसोलेसनमा बस्ने गर्नुभएको छ,’ सीडीओ भट्टराईले भने, ‘होम आइसोलेसमा बस्नेहरूले पनि १४ दिनपछि २ पटक पीसीआर परीक्षण गराएर नेगेटिभ आएपछि मात्र होम आइसोलेसनबाट डिस्चार्ज हुने गरेका छन् ।’
सामाजिक विकास मन्त्रालयका अनुसार हालसम्म धनुषामा कूल १ हजार ८७६ जना कोरोना संक्रमित भएकोमा १ हजार ५ जना डिस्चार्ज भएका छन् भने १५ जनाको मृत्यु भएको छ । २ नम्बर प्रदेशमा हालसम्म कूल १२० जनाको कोरोना संक्रमणका कारण मृत्यु भएको छ । जसमध्ये सप्तरीमा ९ जना, सिरहामा ११ जना, धनुषामा १५ जना, महोत्तरीमा १३ जना, सर्लाहीमा ५ जना, रौतहटमा ६ जना, बारामा १८ जना र पर्सामा ४२ जनाको मृत्यु भएको छ । प्रदेशमा हालसम्म कूल १२ हजार ४९६ जना कोरोना संक्रमित भएकोमा ७ हजार १० जना डिस्चार्ज भइसकेका छन् भने हाल पनि ५ हजार ७८२ सक्रिय संक्रमित रहेका छन् ।
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
बाँसबारी छालाजुत्ता कारखानाको जग्गा हडपेको आरोप लागेका नेपाली कांग्रेसका सांसद तथा डलर अर्बपति विनोद चौधरी केही दिनअघि भारत हानिए । ५ दिनअगाडि उनले भारतका केन्द्रीय जलशक्ति मन्त्री गजेन्द्र सिंह शेखावतसँग ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...