एक्सन फिल्म गर्दै पुष्प खड्का

आफ्नै रफ्तारमा चलचित्र अभिनयमा भिडिरहेका अभिनेता पुष्प खड्काले छिट्टै एक्सन जनराको चलचित्रमा काम गर्ने भएका छन् ।

एकपछि अर्को हिट चलचित्र दिएर दर्शकको रोजाइका हिरो बनेका पुष्पले यस विषयलाई पुष्टि गरेका छन् ।


Advertisement

चलचित्र ‘चालबाज’को छायांकन सकेपछि पुष्पले कुनै चलचित्र साइन गरेका थिएनन् । तर केही हप्ताअघि मात्रै उनले दशैंलगत्तै छायांकनमा जान लागेको चलचित्र ‘कृष्ण लीला’ साइन गरे । चलचित्रमा उनले दिपिका प्रसाइँसँग काम गर्दैछन् ।

दिपिकाले चलचित्रलगत्तै होम प्रोडक्सनबाट निर्माण हुने चलचित्र ‘तिमीसँगै हुने मन छ’मा काम गर्नेछिन् । 


Advertisement

‘कृष्ण लीला’को काम सकिएपछि पुष्पले एक्सन चलचित्रको काममा थाल्नेछन् । यो चलचित्रलाई मुकुन्द भट्टले निर्देशन गर्दैछन् । चलचित्रको सम्पूर्ण दृश्य विदेशमा छायांकन गरिने छ ।

ग्याङस्टार कथामा आधारित चलचित्रमा काम गर्न पाउँदा पुष्प निकै खुशी देखिएका छन् । पुष्प भन्छन्, ‘यो चलचित्रका लागि ५–६ महिना एक्सनको टे«निङ समेत लिनेछु । त्यसपछि मात्रै छायांकनमा जान्छु । एक्सन चलचित्र काम गर्ने ठूलो रहर थियो । अब पूरा भएको छ ।’

लभ स्टोरी जनराका चलचित्रमा काम गरिरहेका पुष्पले एक्सन जनराको चलचित्रमा कत्तिको न्याय गर्न सक्छन् ? त्यसका लागि समय नै कुर्नुपर्ला ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्