जब रकस्टारमा पनि फेल भए अमिताभ !

बलिउड महानायक अमिताभ वच्चनले आफ्नो पुरानो यादलाई सम्झिँदै एक पोस्ट शेयर गरेका छन् ।

उनले आफू रकस्टार बन्ने दौडमा रहे पनि असफल प्रयास गरेको भन्दै पुरानो तस्वीर साझा गरेका हुन् । 

माइकल ज्याक्सनको नक्कलमा फेल भए पछि अमिताभ रकस्टारका रुपमा पनि असफल भएका थिए ।

तस्वीरमा अमिताभले हातमा माइक समातेको देखिएको छ । जहाँ उनले चम्किलो चश्मा पनि लगाएका छन् । 

उनले क्याप्सनमा लेखेका छन्, ‘माइकल ज्याक्सनको नक्कलमा फेल भएपछि मलाई सोधियो कि तत्काल कुन कुरामा फेल हुनुभयो । तब मेरो जवाफ थियो म रक हेड ब्याङगर बन्न चाहेको थिएँ । तर यसमा पनि असफल नै रहेँ ।’

उनले आफ्नो हालैको पोस्टमा पप किङ माइकल ज्याक्सनको नक्कल गर्ने कोशिस गरेका छन् । 

उनले अघि लेखेका छन्, ‘जब मनमोहन देसाइले सोचे कि म गंगा जमुना सरस्वती फिल्ममा माइकलको नक्कल गर्न सक्छु । तर, त्यसमा म विफल भएँ ।’

शेयर गरिएको तस्वीरमा उनी कालो लेदरको ज्याकेटसँग लेदरकै पाइन्ट लगाइरहेका देखिन्छन् ।