भारतीय जनता पार्टीका राष्ट्रिय अध्यक्षले शुक्रवार राजस्थानका नेताहरूलाई दिल्ली बोलाएका छन् । 

त्यसपछि राजस्थानको राजनीतिमा हलचल आउने आशंका गरिएको छ । नड्डालाई भेट्न गुलाबचन्द कटारिया र राजेन्द्र राठौर दिल्ली पुगिसकेका छन् । 

महत्त्वपूर्ण कुरा, राजस्थानको राजनीतिसम्बन्धी बैठकमा पूर्व मुख्यमन्त्री वसुन्धरा राजेलाई बोलाइएको छैन । 
 

नड्डाले यसअघि राजस्थानका भाजपा नेताहरूलाई दिल्ली बोलाउँदा त्यहाँ संकट चुलिएको थियो । अहिले पनि बोलाउँदा अब भाजपाले प्रदेशको राजनीतिमा परिवर्तन ल्याउन खोजेको अनुमान गरिएको छ । 

तर प्रदेश अध्यक्ष सतीश पूनियाले यो सामान्य बैठक भएको बताए । राजस्थान विधानसभाका तीन उपचुनाव हुन लागेको र त्यसैको तयारीस्वरूप बैठक बोलाइएको उनको भनाइ छ । 

तर वसुन्धरा राजेलाई बैठकमा नबोलाइँदा अब उनको राजनीति सकिएको अनुमान गरिएको छ । केही समयअघि वसुन्धराका विरोधी घनश्याम तिवाडी पार्टीमा फर्किएका छन् ।