प्रधानमन्त्री केपी शर्मा ओलीले सरकारले प्रतिनिधिसभा विघटन गरेर निर्वाचनको घोषणा संविधानसम्मत ढङ्गले नै गरेको बताएका छन् ।

 प्रधानमन्त्री ओलीले लुम्बिनी प्रदेशको राजधानी राप्ती उपत्यका स्थित राप्ती नदीमा निर्मित पुलको आज उद्घाटन पछि नेपाल कम्युनिष्ट पार्टी(नेकपा) दाङले आयोजना गरेको जन सभालाई सम्बोधन गर्दै सरकारले निर्वाचनमार्फत नयाँ ताजा जनादेशका लागि जनतामा जाने भनेर निर्वाचनको घोषणा गरेको स्पष्ट गरे ।

सरकारले घोषणा गरेकै समयमा चुनाव हुने स्पष्ट  गर्दै उनले निर्वाचनको तयारीमा जुट्न नेताकार्यकर्तालाई आग्रह गरे ।