अमेरिकाको जर्जियामा एसियाली मूलका मानिसमाथि आक्रमण, ८ जनाको मृत्यु

अमेरिकाको जर्जिया राज्यमा ६ जना महिला समेत आठजना एसियाली मूलकका मानिसलाई मंगलवार गोली हानेर हत्या गरिएको छ । 

सबै हत्यामा संलग्न रहेको आरोप लागेका एक पुरुषलाई घटनाको घन्टौंपछि पक्राउ गरिएको छ । 

अधिकारीहरूले हिंसाको सम्भावित उद्देश्यका विषयमा केही नबताए पनि न्युयोर्क प्रहरी विभागको प्रतिआतंकवादी इकाइले एसियाली समुदाय बस्ने मानिसको क्षेत्रमा थप गश्ती गराउन थालेको छ । 

जर्जियामा रक्तपात स्थानीय समयअनुसार अपराह्न ५ बजे शुरू भएको थियो । चेरोकी काउन्टीमा रहेको एसियन मसाजमा गोली प्रहार गरिउको थियो । 

एसियाली मूलका मानिससँगै गोरा जातिकी एक महिला र एक पुरुषको पनि मृत्यु भएको थियो भने हिस्पानिक समुदायका मानिस बाँचेका थिए । 

राज्यको राजधानी एटलान्टामा बेलुका ६ बजे डकैती भइरहेको भनी प्रहरीलाई खबर पुगेको थियो । प्रहरीले गोल्ड स्पा स्यालोनमा तीनजना महिलालाई गोली हानेर हत्या गरिएको अवस्थामा पाए । 

यसको अनुसन्धान गर्दै गर्दा अधिकारीहरूलाई सडकपारि अर्को स्पामा एक महिलालाई गोली प्रहार गरेर मारिएको अवस्थामा फेला पारे । एटलान्टामा मारिएका सबैजना एसियाली मूलका थिए । 
 

चेरोकी काउन्टीको वूडस्टकका २१ वर्षीय रोबर्ट आरोन लङलाई राति साढे ८ बजे क्रिस्प काउन्टीमा हिरासतमा लिइएको थियो । उनी गोरा जातिका पुरुष हुन् ।