बलिउड अभिनेत्री दीपिका पादुकोण लामै समयदेखि बलिउडमा राज गरिरहेकी छन् । 

ओम शान्ति ओम फिल्मबाट बलिउड यात्रा शुरू गरेकी दीपिकाले हलिउड फिल्ममा समेत कदम राखिसकेकी छन् । 

उनी अहिले आफ्ना फिल्महरूको शूटिङमा चरम व्यस्त छिन् । 

उनी कपिल देवको जीवनीमा बनेको फिल्म ८३ मा पति रणवीर सिंहसँग देखिँदैछिन् । उनले फिल्ममा कपिलकी पत्नी रोमी देवको भूमिका निर्वाह गरेकी छन् । 

त्यसपछि उनी हृत्तिक रोशनसँग फाइटर फिल्ममा देखिनेछिन् । यसका निर्देशक सिद्धार्थ आनन्द हुन् । 

अनि शाहरुख खानसँग उनको फिल्म पठान पनि आउँदैछ । यसै फिल्ममार्फत शाहरुख लामो अन्तरालपछि फिल्ममा पुनः प्रवेश गर्दैछन् । फिल्ममा जोन अब्राहमको पनि भूमिका छ । 

त्यसपछि उनी महाभारतको कथामा आधारित फिल्ममा देखिँदैछिन् । त्यसमा उनी द्रौपदीको भूमिकामा छिन् । उनले यो फिल्म निर्माण गर्ने बताइएको छ । 

अनि शकुन बत्राको एउटा फिल्मको पनि उनले शूटिङ गरेकी छन् । त्यसमा सिद्धान्त चतुर्वेदी र अनन्या पाण्डे पनि देखिनेछन् । 

अनि दीपिका प्रभाससँग पहिलोपटक नाग अश्विनको फिल्ममा देखिनेछिन् । शीर्षक नजुरिसकेको विज्ञानकथामा आधारित फिल्मले प्रशंसकहरूलाई उत्साहित तुल्याएको छ । 

त्यसबाहेक उनी हलिउड फिल्म दी इन्टर्नको हिन्दी रिमेकमा देखिनेछिन् । त्यसमा अमिताभ बच्चन पनि हुनेछन् ।