बार्सिलोना क्लबका सुपरस्टार लियोनल मेस्सीलाई भियारियालका मिडफील्डर मानु ट्रिग्वेरोसले नराम्रो फाउल गरेर लडाएपछि सीधै रेड कार्ड पाएका छन् । 

आइतवार भएको खेलमा भियारियाल २–१ ले पछि परेको थियो । खेलको ६६औं मिनेटमा मेस्सीबाट बल खोस्न जाँदा अतिउत्साहित भएर ट्रिग्वेरोसले मेस्सीलाई लडाएका थिए । 

शुरूमा मेस्सीबाट बल खोसिसकेको भए पनि ट्रिग्वेरोसले मेस्सीको गोडामा आफ्नो गोडाले हानेका थिए । 

त्यसो त ट्रिग्वेरोसले मेस्सीलाई हानि पुर्‍याउने उद्देश्य नराखेको भए पनि त्यसले मेस्सीलाई निकै पीडा दियो र रेफ्री कार्लोस देल सेर्रोले रेड कार्ड दिए । 

सामान्य उपचारपछि मेस्सी खेलमा फर्किए भने भियारियालले बाँकी खेल १० जना खेलाडीका साथ खेल्नुपरेको थियो । 

बार्सिलोनाका सबभन्दा खतरनाक खेलाडी भएकाले मेस्सीलाई विपक्षीहरूले तारो बनाउने गरेका छन् । ट्रिग्वेरोसले अझै बढी कसेर मेस्सीको गोडामा हानेको भए सीजनका बाँकी खेल खेल्न पाउँदैनथिए होलान् भनी प्रशंसकहरूले चिन्ता व्यक्त गरेका छन् । 

त्यसको १० मिनेटपछि मेस्सीलाई फेरि भियारियालले पाउ टोरेसले लडाएपछि पहेंलो कार्ड पाए । 
 

What a Dangerous tackle
pic.twitter.com/77W180q8Xf

— Messi Worldwide (@Messi_Worldwide) April 25, 2021