विकसित राजनीतिक घटनाक्रमको समीक्षा र पार्टीको भावी रणनीति तय गर्न नेकपा माओवादी केन्द्रको स्थायी कमिटी बैठक मंगलवार बस्दैछ ।

पार्टी केन्द्रीय कार्यालय पेरिसडाँडा कोटेश्वरमा दिउँसो ३ बजेका लागि स्थायी कमिटी बैठक बोलाइएको एक सदस्यले लोकान्तरलाई जानकारी दिए । 

प्रधानमन्त्री केपी शर्मा ओलीविरुद्ध अविश्वासको प्रस्तावको गृहकार्य गरेको माओवादी केन्द्रले यसै विषयमा छलफल गर्न बैठक बोलाएको स्रोतले बतायो ।

यसअघि बसेको स्थायी कमिटी बैठकले सरकारलाई दिएको समर्थन फिर्ताको निर्णय लिने अधिकार अध्यक्ष पुष्पकमल दाहाल ‘प्रचण्ड’लाई दिएको थियो । 

नेपाली कांग्रेसले भने आफ्नो पक्षमा स्पष्ट बहुमत नदेखिँदासम्म प्रधानमन्त्रीविरुद्ध अविश्वासको प्रस्ताव नहाल्ने स्पष्ट गरिसकेको छ ।  

माओवादी बैठकमा राष्ट्रिय सभाको उपनिर्वाचन, प्रदेशमा रिक्त प्रदेशसभा सदस्यहरूबारे समेत छलफल हुने ती नेताले बताए ।