सर्वाेच्च अदालतले पत्रकार दुर्गालाल लामा र अनिस तामाङ भन्ने श्यामबहादुर तामाङलाई तत्काल थुनामुक्त गर्न आदेश दिएको छ ।

प्रहरीले पत्रकार पक्राउ गरेपछि गृह मन्त्रालयलाई विपक्षी बनाएर दायर गरिएको रिटमा सर्वाेच्चले बन्दीप्रत्यक्षीकरणको आदेश जारी गरेको हो ।

समाचारको विषयमा तारिखमा राखेर पनि कानून बमोजिम अनुसन्धान तथा अभियोजन कार्य गर्न सकिने सर्वाेच्चको ठहर छ । 

सर्वोच्च अदालतमा शुक्रवार भएको सुनुवाइमा वरिष्ठ अधिवक्ता बोर्णबहादुर कार्की, रमन श्रेष्ठ, मुक्ति प्रधान तथा अधिवक्ताहरु भक्तिराम घिमिरे, धर्मराज पाण्डे, लोकेन्द्र वलीलगायतले बहस गरेका थिए । 

पत्रकारहरूलाई अनुचित र गैरकानूनी रूपमा थुनामा राख्ने कार्य गरेको ठहर अदालतले गरेको छ ।