लिग वान फुटबलमा पेरिस सेन्ट जर्मेन (पीएसजी)ले शानदार जीत निकालेको छ ।

आइतवार राति पीएसजीले घरेलु मैदानमा रिम्सलाई ४–० गोल अन्तरले पराजीत गरेको हो ।

पीएसजीको जितमा नेयमार र केलियन एम्बाप्पेले उत्कृष्ट प्रर्दशन गरे ।

पीएसजीको जितमा नेयमार, केलियन एम्बाप्पे, मार्कुन्होस र मोईस केनले एक एक गोल गरेका थिए ।

जीत सहित पीएसजीले लिग वानको उपाधि सम्भावनालाई जिवितै राखेको छ । उपाधिको छिनोफानो अब अन्तिम खेलले लगाउने छ ।

पीएसजी ७९ अंक सहित तालिकाको दोस्रो स्थानमा छ । एक अंक बढी रहेको लिली शीर्ष स्थानमा छ । पीएसजीसंग पराजीत रिम्स ४२ अंक सहित तालिकाको १३ औं स्थानमा छ ।

आइतबारनै भएको खेलमा शीर्ष स्थानको लिलीले सेन्ट इटियनसंग गोल रहित बराबरी खेल्दै अंक बाँड्यो । प्राप्त नतिजासंगै लिलीले तालिकामा एक अंकको अग्रता जोगाउन सफल रह्यो । सेन्ट इटियन ४६ अंक सहित तालिकाको ११ औं स्थानमा यथावत छ ।