कोपा अमेरिकामा नेपाली समयअनुसार मंगलवार बिहान सम्पन्न खेलमा अर्जेन्टिनाले प्याराग्वेलाई १–० गोलले हराएर नकआउट चरणमा स्थान पक्का गरेको छ । 
 

अर्जेन्टिनालाई पापु गोमेजले खेलको १०औं मिनेटमा निर्णायक गोल गरेर जिताएका हुन् । 

उक्त गोलका लागि लियोनल मेस्सी, एन्जल डी मारिया र पापु गोमेजबीच सुन्दर तालमेल भएको थियो । 

यससँगै अर्जेन्टिना १६ वटा खेलमा अपराजित रहेको छ । उसले यस खेलमा घरिघरि उत्कृष्टता देखाएको भए पनि खेलमा प्रभुत्व भने जमाएन । एक गोल गरेर अग्रता लिए पनि अर्जेन्टिनालाई प्याराग्वेले दबाबमा राखेको थियो तर गोल फर्काउन सकेन । 

जीतसँगै अर्जेन्टिना समूह ए को पहिलो स्थानमा रहेको छ । जम्मा दुई खेल खेलेको प्याराग्वेलाई पनि नकआउट चरणमा पुग्ने राम्रो अवसर छ । 
 

Messi to Di Maria to Gomez, a look at that amazing winning goal for Argentina 🇦🇷 #CopaAmericapic.twitter.com/GS1BGoXNCD

— sohom (@AwaaraHoon) June 22, 2021