लुम्बिनी प्रदेश सरकारले ४ जना पत्रकारलाई बिहीवार सम्मान गरेको छ ।

सम्मानित हुनेमा दाङका सुशील गौतम, रूपन्देहीका हिम्मत चौधरी, बाँकेकी अक्षरी पोखरेल र गुल्मीका जनार्दन घिमिरे छन् । 

रुपन्देहीका स्वर्गीय पत्रकार चौधरीलाई सिर्जनशील पत्रकारिता पुरस्कार, गौतमलाई अग्रज पत्रकारिता पुरस्कार तथा पोखरेल र घिमिरेलाई सिर्जनशील पत्रकारिता पुरस्कारबाट सम्मान गरिएको छ । 

६७ वर्षीय गौतमले नगद १ लाख र अन्य ३ जनालाई नगद ५० हजार रुपैयाँसहित सम्मान गरिएको छ ।  

प्रदेश सरकारले विगत २ वर्षदेखि प्रदेशका पत्रकारलाई सम्मान गर्ने भने पनि पहिलो पटक कार्यान्वयनमा आएको छ । 

प्रदेशका प्रवक्ता तथा आर्थिक मामिला तथा योजना मन्त्री बैजनाथ चौधरी र आन्तरिक मामिला तथा कानून मन्त्री चेतनारायण आचार्यले पत्रकारलाई नगद राशीसहित प्रमाणपत्र र दोसल्लाले सम्मान गरेका छन् ।