कैलालीमा एक सशस्त्र प्रहरी जवानको शव फेला परेको छ । 

बुधवार बिहान पौने ६ बजेको समयमा धनगढी उपमहानगरपालिका–१ मा रहेको सशस्त्र प्रहरी बल नम्बर ३४ हेडक्वार्टर परिसरमा जवान ३१ वर्षीय हरिषकुमार शाहीको शव फेला परेको हो । 

जिल्ला प्रहरी कार्यालय कैलालीका अनुसार डडेल्धुरा भागेश्वर गाउँपालिका–१ का शाहीको शव परिसरभित्र उत्तरपट्टिको कम्पाउण्डनजिक पानी जमेको स्थानमा घोप्टो परेको अवस्थामा फेला परेको छ । 

शव पोष्टमार्टमका लागि सेती प्रादेशिक अस्पतालमा पठाएको र घटना सम्बन्धमा थप अनुसन्धान भइरहेको प्रहरीले जनाएको छ ।