नेकपा एमालेका नेता सुर्य थापाले पार्टीमा सोमवार भएको सहमतिले बुद्धिमत्ता र सकारात्मक सन्देश दिएको बताएका छन् ।

सामाजिक सञ्जाल ट्विटरमा लेख्दै थापाले मंगलवारको स्थायी कमिटी बैठकमा कार्यदलका सबै सदस्य सहभागी हुने जानकारी दिए ।

नेता थापाले लेखेका छन्, ‘भोलिको स्थायी कमिटी बैठकमा कार्यदलका सबै र अन्य एकताका हिमायतीहरू पनि सहभागी र संलग्न भई साझा ढंगले नेकपा एमालेको कथित विभाजनका कोशिसलाई अर्थहीन बनाइदिनु आवश्यक छ । यो आजको बुद्धिमत्ता र सकारात्मक सन्देश हो । कोही पनि बरालिने,भड्किने र बेसुरा कुरा गर्ने कार्य रोकिनुपर्छ । सबै लचिलो हुनुपर्ने अपेक्षा त स्वभाविक नै छ,तर सिद्धान्तहीन र पराइको विभाजनकारी षड्यन्त्रप्रति चनाखो नभई निरपेक्ष एकताको गीत गाउनु अर्थहीन हुन्छ । विघटित कार्यदलले सुझाएका १० बुँदालाई स्थायी र केन्द्रीय कमिटीका बैठकहरूले ग्रहण, अनुमोदन र कार्यान्वयन गर्ने निर्णय गरिसकेकै छन् ।’

भाेलिकाे स्थायी कमिटी बैठकमा कार्यदलका सबै र अन्य एकताका हिमायतीहरू पनि सहभागी र संलग्न भई साझा ढंगले नेकपा एमालेकाे कथित विभाजनका काेशिसलाई अर्थहीन बनाइदिनु आवश्यक छ।
याे आजकाे बुद्धिमत्ता र सकारात्मक सन्देश हाे।
काेही पनि बरालिने,भड्किने र बेसुरा कुरा गर्ने कार्य राेकिनुपर्छ।

— Surya Thapa (@ThapajiSurya) August 23, 2021