ककपिटको ड्यासबोर्डमा चक्का खुल्ने इन्डिकेटर नबलेपछि बुद्ध एयरको विमान विराटनगरबाट काठमाडौं आकस्मिक अवतरण गराइयो । 

उक्त विमान विराटनगर विमानस्थलमा पुग्दा जहाज अवतरण गर्नका लागि चक्का खुलेको थियो तर जहाजका चालक (पाइलट)ले त्यसको इन्डिकेसन नै नपाएपछि त्यहाँ अवतरण गराउन सकेनन् ।

चक्का खुलेपछि फेरि चक्का लक भयो वा भएन भन्ने कुराको पनि जानकारी त्यही इन्डिकेटरबाट मात्र पाइलटले थाहा पाउने हो, तर इन्डिकेटर नै नबलेपछि जहाजलाई काठमाडौं फर्काइएको थियो । 

आकस्मिक अवतरणका लागि विमानस्थलमा दमकल, एम्बुलेन्स, सुरक्षाकर्मीसहितको उद्धार टोलीलाई तयारी अवस्थामा राखिएको थियो ।

सोमवार बिहान विराटनगरका लागि उडेको विमान अवतरण गर्ने क्रममा प्राविधिक समस्या देखिएपछि काठमाडौं फर्किएको थियो । 

काठमाडौंको आकाशमा ६-७ पटक फन्को मारेपछि विमान ल्याण्ड गरेको थियो । सोमवार बिहान साढे १० बजे विमान सुरक्षित अवतरण भएको हो । 

हेर्नुहोस् भिडियो :

सुरक्षित अवतरण pic.twitter.com/iqia8kjGab

— Buddha Air (@AirBuddha) September 27, 2021